سید اعجاز
ترال//ڈی ڈی سی ممبر آری پل ترال منظور احمد گنائی نے منگل کے روزتحصیل آری پل کے دور افتادہ بستیوں جن میں زسبل،سوئناڈ،اور جواہر پورہ کا تفصیلی دورہ کیا ۔دورے کے دوران انہوں نے یہاںمختلف محکموں کی جانب سے جاری کام کاج کا جائزہ لیا۔اس دوران ڈی ڈی سی ممبر نے ڈپٹی کمشنر پلوامہ کا شکریہ ادا کیا ہے جنہوں نے سوئیناڈ کی بستی تک رابطہ سڑک کو تعمیر کرنے کی منظوری دی جس پر کام جاری ہے انہوں نے کہا سڑک پر کام جاری ہے تاہم چند مقامات پر جن زمینداروں کی زمین سڑک میں آئی ہے انہیں باندھ یا سیل دینے کا کسان مطالبہ کر رہے ہیں جس کی طرف متعلقہ محکمے کو توجہ دینے ضروت کی ہے ۔انہوں نے یہاں چند تعلیمی اداروں کا بھی دورہ کیا جہاں اساتذہ کے ساتھ ملاقات کی اوراساتذہ نے انہیں تعلیمی اداروں میں درکار سہولیات کا مسئلہ ان کی نوٹس میں لایا،ڈی ڈی سی ممبر نے انہیںیقین دلایا کہ ان کے مسائل کو حکام کے نوٹس میں لائیں گے ۔ادھر سوئناڈ کی مقامی آبادی نے علاقے میں قائم سکول کی دیوار بندی کا بھی مطالبہ کیا ہے ۔اس دوران مختلف علاقوں سے تعلق رکھنے والی عوامی وفود نے بھی ان کے ساتھ ملاقات کی اور الگ الگ مسائل کو ان کی نوٹس میںلایا ۔