نیوز ڈیسک
اونتی پورہ: سوشل فاسٹری محکمے نے منگل کو بانڈرپورہ اونتی پورہ پلوامہ کے لوگوں میں نَر سفیدی کے پودے تقسیم کئے ہیں۔ اس موقعے پر محکمہ کے ریجنل ڈائریکٹر محراج الدین ملک مہمان خصوصی کے بطور موجود رہے، جبکہ ڈی ایف او پلوامہ منظور احمد کے علاوہ، رینج آفیسر، بلاک آفیسر اور باقی ملازمین بھی موجود تھے۔ یہاں یہ بات قابل ذکر ہے کہ یہ پودے کشمیر میں سوشل فارسٹری محکمے کی جانب سے حال ہی میں متعارف کئے گئے تھے، جس کے بعد محکمے کی جانب سے ہزاروں کی تعداد میں ان پودوں کو مختلف مقامات پر لگایا گیا ہے۔ ادھر بانڈر پورہ کے لوگوں نے علاقے میں ان درختوں کو تقسیم کرنے پر خوشی کا اظہار کیا ہے۔ میڈیا سے بات کرتے ہوئے ریجنل ڈائریکٹر محراج الدین ملک نے کہا کہ یہ پودے کافی تیزی سے اگتے ہیں، جب کہ ان سے نکلنے والا مواد کئی صنعتی اداروں میں استعمال بھی ہوتا ہے۔