تراال: جنوبی کشمیر کے ترال علاقے میں اتوار کو آیت سپورٹس اکادمی کی جانب سے ایک سپورٹس میٹنگ کا انعقاد عمل میں لایا گیا، جس دوران کھلاڑیوں کے علاوہ اکادمی سے وابستہ ممبران نے شرکت کی۔ اس موقعے پر شرکاء نے مختلف امور پر تبادلہ خیال کیا، جبکہ ممبران نے آنے والے مہینوں میں ترال علاقے میں فٹبال اور باقی کھیل مقابلوں کو منعقد کرنے کا فیصلہ کیا ہے۔ اس کے علاوہ میٹنگ میں ممبران نے طالب علموں کو نئی کھیلوں کے بارے میں آگاہی فراہم کرنے پر بھی مفصل بات چیت کی، جبکہ اکادمی کے چیئرمین راجا صباحت نے اپنے نئے ممبران کا بھی والہانہ استقبال کیا۔ یہاں یہ بات قابل ذکر ہے کہ آیت سپورٹس اکادمی کو ترال علاقے میں حال ہی میں قائم کیا گیا ہے، جو نوجوانوں کو کھیل کود کی سرگرمیوں میں حصہ لینے کے مواقعے فراہم کرنے کے علاوہ، انہیں بہترین کوچنگ دینے کے لئے کام کریں گی۔