سری نگر:۰۲،مارچ:جے کے این ایس : ایڈیشنل ڈائریکٹر جنرل آف پولیس کشمیر زون وجے کمار نے کہاہے کہ سالانہ امرناتھ یاترا2023 کی مکمل حفاظت کو یقینی بنانے کےلئے ڈرون اور مائن پروف گاڑیوں کا استعمال کیا جائے گا۔جے کے این ایس کے مطابق اتوار کویہاں ایک تقریب کے موقعہ پر نامہ نگاروں کے سوالات کاجواب دیتے ہوئے ADGPکشمیرزون وجے کمار نے کہاکہ امرناتھ یاترا کو پچھلے سال کی طرح فل پروف سیکورٹی فراہم کی جائے گی۔انہوںنے مزیدکہاکہ ڈرون اور مائن پروف گاڑیاں استعمال کی جائیں گی۔ایڈیشنل ڈائریکٹر جنرل آف پولیس کشمیر زون کاکہناتھاکہ مجھے یقین ہے کہ امرناتھ یاترا2023کے وقت تک یہاں دہشت گردوں کی تعداد کم ہو جائے گی۔انہوںنے کہاکہ ابھی، مقامی دہشت گردوں کی تعداد کم ہو کر 28 ہو گئی ہے،اور اس میں مزید کمی آئے گی۔خیال رہے سالانہ امرناتھ یاترا، جموں و کشمیر میں ہندوو¿ں کےلئے ایک مقدس مقام، عقیدت، مذہبی رواداری اور بھائی چارے کی علامت ہے۔اورہرسال ہ پورے ندوستان سے یاتری یہاں آتے ہیں۔ گرمائی دارالحکومت سری نگر سے141 کلومیٹر کے فاصلے پر سطح سمندر سے تقریباً13000فٹ کی بلندی پر واقع، امرناتھ گپھا وادی لدر میں واقع ہے، جو گلیشیئرز سے ڈھکی ہوئی ہے اور سال کے بیشتر حصے میں برف پوش پہاڑ ہیں۔عام یاتریوں کو گرمیوں میں صرف محدود وقت کے لیے یہاں درشن کےلئے آنے کی اجازت ہے۔ یہاں تک پہنچنے کےلئے دو اہم راستے ہیں، ایک پہلگام قصبے سے آگے اور دوسرا گاندربل ضلع کے بال تل راستہ ہے۔پہلگام کے چندی واڑی اور نونان بیس کیمپ سے 43 کلومیٹر کا پہاڑی ٹریک شروع ہوتا ہے۔ کچھ لوگ ٹریک کا احاطہ کرنے کےلئے گھوڑوں یا پالکیوں پر جانے کا اختیار بھی حاصل کرتے ہیں۔ سب سے چھوٹا راستہ بال تال سے ہے جو 16 کلومیٹر ہے لیکن یہ زیادہ مشکل ہے۔
