سری نگر:26،مارچ: پولیس نے بارہمولہ میں چوری کی ایک واردات کو حل کرکے جرائم میں ملوث 02 ملزمان کو گرفتار کرکے ان کے قبضے سے مالہ مسروقہ برآمد کرلیا۔کشمیر نیوز سروس مورخہ25 مارچ 2023 کو پولس پوسٹ پلہالن کو اشفاق احمد شیخ ولد منظور احمد شیخ ساکن تانترائے پورہ پلہالن، پٹن نامی ایک شخص کی شکایت موصول ہوئی جس میں کہا گیا کہ 24 اور 25 مارچ 2023 کی درمیانی رات میں کچھ نامعلوم چور اس کے رہائشی مکان میں داخل ہوئے، اور تانبے کے برتن چوری کر لیے۔ اس سلسلے میں تھانہ پٹن میں قانون کی متعلقہ دفعات کے تحت مقدمہ درج کر کے تفتیش شروع کر دی گئی۔تفتیش کے دوران، تکنیکی اور انسانی وسائل کی مدد سے تفتیشی افسران نے کچھ مشتبہ افراد کو گرفتار کیا، جن میں سے ایک خورشید احمد وازہ ولد غلام محمد وازہ ساکن تانترائے پورہ پلہالن نے اعتراف کیا کہ اس نے اپنے دوسرے ساتھی کے ساتھ تنویر احمد ریشی ولد غلام محمد ریشی سا کن نیو کالونی پالپورہ پٹن نے چوری کی واردات کی ہے ۔ اس کے بعد ملزم تنویر احمد کو بھی جرم میں ملوث ہونے پر گرفتار کر لیا گیا۔ان کے انکشاف پر ان کے قبضے سے مالہ مسروقہ برآمد کر لیا گیا۔ انہیں تھانے منتقل کر دیا گیا ہے جہاں وہ زیر حراست ہیں۔
