IFAکی دفعات کے تحت کیس درج
بارہمولہ:۲۱،اپریل :بارہمولہ پولیس نے موتھل ہتھ لنگا اوڑی میں عمارتی لکڑی کی اسمگلنگ میں ملوث3اسمگلروںکی گرفتاری عمل میں لاکراُن کی تحویل سے لاکھوں روپے مالیت کی60مکعب فٹ لکڑی بصورت شہتیر ضبط کی ۔جے کے این ایس کے مطابق ایس ڈی پی اﺅ اوڑی شوکت علی کی نگرانی میں ایس ایچ اﺅ اوڑی انسپکٹرامتیاز احمدکی سربراہی میں ایک پولیس پارٹی نے موتھل ہتھ لنگااوڑی میں 3جنگل ا سمگلروں محمد افضل بٹ ولد عبدالمجید بٹ، شبیر احمد بٹ ولد عبدالمجید اور نصیر احمد بٹ تمام ساکنان موتھل نتھ لنگا اڑی کو گرفتار کیا ،جو جنگل کی غیر قانونی لکڑی کاٹنے میں ملوث ہیں اور اسمگلنگ کرکے عمارتی لکڑی کوزیادہ قیمتوں پر فروخت کر رہے ہیں۔ پولیس نے بتایاکہ موتھل ہتھ لنگا اوڑی میں ان کے قبضے سے تقریباً 60مکعب فٹ غیر قانونی جنگلاتی لکڑی برآمد کی گئی۔انڈین فاریسٹ ایکٹ کی دفعات کے تحت پولیس اسٹیشن اوڑی میں مقدمہ رج کر کے تفتیش شروع کر دی گئی۔