سید اعجاز
ترال //اتوار کے روز جنوبی کشمیر کے سب ضلع ترال کے کنڈ آستان نامی جگہ پر سومو گاڑی اور موٹر سائیکل کے درمیان میں ٹکر کے دوران زخمی موذن پیر کے صبح زخموں کی تاب نہ لا کر دم توڑ بیٹھا ہے ۔ موٹر سائیکل سوار اویس احمدگنائی ولد عبد الرشید گنائی ساکن سیموہ ترال جو خانقاہ فیض پناہ ترال کا موذن اور نائب امام بھی تھا اس حادثے میں شدید زخمی ہوا ہے جس کو فوری طور ترال ہسپتال جس کے بعد اسے مزید علاج معالجے کے لئے سرینگر منتقل کیا گیا تھاجہاں وہ پیر کی صبح زخموں کی تاب نہ لا کر دم توڑ بیٹھا ہے ۔معلوم ہوا اتوار کے روز یہاں حضرت امیر کبیر رؒ کے سالانہ عرس کے دوران صبح سویرے تبرکات کی نشان دہی کے دوران وہ نعت خوانی کر رہا تھا جس کے قریب 2تین گھنٹے وہ کسی کام کے سلسلے میں دیور کی طرف جا رہا تھا جہاں کنڈ آستان کے مقام پر وہ ایک سومو کے ساتھ ٹکرا گیا ہے جس کے نتیجے میں مزکورہ نوجوان شدید زخمی ہوا ہے جس کو پہلے ترال بعد میں سرینگر ہسپتال منتقل کیا گیا تھا ۔پیر کے صبح ان کے انتقال کے ساتھ ہی وہ ویڈیو بھی سوشل میڈیا پر وائرل ہوا جس میں وہ تبرکات کی نشان دہی کے دوران نعت خوانی کر رہا تھا جس کے قریب دو گھنٹے کے بعد وہ انتقال کر گیا ہے ،مرحوم کے وفات پر علاقے میں لوگوں نے شدید دکھ کا اظہار کرتے ہوئے ان کے بلد درجات اور لواحقین کے صبر جمیل کی دعا ہے۔ادھجر ڈی ڈی سی ممبر ڈاڈسرہ اوتار سنگھ ترالی اور ڈی ڈی سی ممبر آری پل نے نوجوان کے موت پر دکھ کا اظہار کرتے ہوئے ان کے لواحقین کے ساتھ تعزیت کا اظہارکیا ہے ۔
