کلگام ،بارہمولہ اور ہندواڑہ میںپولیس کارروائی

سرینگر22 جولائی // سماج سے منشیات کی لعنت کو ختم کرنے کی کوششوں کو جاری رکھتے ہوئے، پولیس نے کلگام ،بارہمولہ اور ہندواڑہ میں03 منشیات فروشوں کو گرفتار کیا ہے اور ان کے قبضے سے ممنوعہ مادہ برآمد کیا ہے۔کولگام میں، عالم گنج کراسنگ پر قائم ناکہ چیکنگ پر ایس ایچ او تھانہ بہی باغ کی سربراہی میں ایک پولیس پارٹی نے ایک مشکوک شخص کو روکا جس نے موقع سے فرار ہونے کی کوشش کی لیکن اسے حکمت کے ساتھ پکڑ لیا گیا۔ تلاشی کے دوران، افسران اس کے قبضے سے نائیلون کے تھیلے میں چھپائے گئے ممنوعہ مادہ کے 11 کلو گرام پوست کا بھوسا برآمد کرنے میں کامیاب ہوئے۔ اس کی شناخت ارشد احمد بٹ ولد عبدالغنی بٹ ساکن ماچیوا کے طور پر ہوئی ہے۔ اسے گرفتار کر کے تھانے منتقل کر دیا گیا ہے جہاں وہ زیر حراست ہے۔بارہمولہ میں، ایس ڈی پی او کریری شری خالد اشرف-جے کے پی ایس کی نگرانی میں ایک پولیس پارٹی نے ایس ایچ او پولیس اسٹیشن چندوسہ کی مدد سے ایک منشیات اسمگلر بلال احمد راتھر ولد محی الدین راتھر ساکنہ بانڈی پائین چندوسہ کو دارو چندوسہ میں ناکہ چیکنگ کے دوران گرفتار کیا۔ دوران تلاشی اس کے قبضے سے 400 گرام چرس جیسے ممنوعہ مادہ برآمد ہوا۔ اسے تھانے منتقل کر دیا گیا ہے جہاں وہ زیر حراست ہے۔تھانہ قلم آباد کی پولیس پارٹی نے بٹہ گنڈ کراسنگ پر ناکے کی ڈیوٹی کے دوران ایک شخص کو گرفتار کیا جس نے مشکوک انداز میں پولیس پارٹی سے بچنے کی کوشش کی تھی۔تلاشی کے دوران اس کے قبضے سے تقریباً 50 گرام چرس برآمد ہوئی۔ اس شخص کی شناخت عاقب نذیربٹ ولد نذیر احمدبٹ سا کنہ کرگام ہندواڑہ کے طور پر کی گئی ہے۔
واقعات کے حوالے سے متعلقہ تھانوں میں قانون کی متعلقہ دفعات کے تحت مقدمات درج کر کے تحقیقات شروع کر دی گئی ہیں۔