بارہمولہ میں پولیس نے جرم میں ملوث ایک ملزم کو گرفتار کرکے چوری کا معاملہ حل کیا ہے20 جولائی23 20کو، پولیس اسٹیشن پٹن کو ایک شخص کی طرف سے تحریری درخواست موصول ہوئی جس کا نام خورشید احمد زاز ولد عبدل غنی زاز (پیشہ سے ٹھیکیدار) تھا جس میں کہا گیا تھا کہ کچھ چوروں نے PHE واٹر فلٹریشن پلانٹ کے قریب شیر پورہ پٹن سے اس کا مکسر (سیمنٹ مکسر) چوری کر لیا ہے۔ اس کے مطابق، قانون کی متعلقہ دفعات کے تحت مقدمہ ایف آئی آر نمبر 239/2023 تھانہ پٹن میں درج کر کے تفتیش شروع کر دی گئی۔دوران تفتیش کچھ مشتبہ افراد کو پوچھ گچھ کے لیے تھانے بلایا گیا، ملزمان کا سراغ لگانے کے لیے پولیس نے تکنیکی آلات بھی استعمال کیے ۔ سخت کوششوں کے بعد ایک ملزم ارشاد مجید وانی ولد عبدل مجید وانی ساکن چندرسیر نے جرم میں ملوث ہونے کا اعتراف کیا۔ اس کے انکشاف پر چندرسیر میں اس کی رہائش گاہ سے مسروقہ مال برآمد کیا گیا۔ اسے گرفتار کر کے تھانے منتقل کر دیا گیا ہے جہاں وہ زیر حراست ہے۔ کیس کی مزید تفتیش جاری ہے
