سری نگر:۲۲،جولائی : جموںوکشمیر کے لیفٹنٹ گورنر منوج سنہا نے ہفتہ کو چندن واڑی پہلگام بیس کیمپ کادورہ کرکے یہاں امرناتھ یاتریوں کوفراہم کی جانے والی مختلف سہولیات اورخدمات کاجائزہ لیا۔انہوںنے شرائن بورڈ،انتظامیہ اورپولیس ودیگرسیکورٹی ایجنسیوں کی کاوشوںکو سراہتے ہوئے کہاکہ ہم اپنی یکجہتی، عزم اور تیاری کے ذریعے مستقبل کے کسی بھی چیلنج پر قابو پاسکتے ہیں ۔خیال رہے یکم جولائی 2023کو شروع ہونے والی62روزہ امرناتھ یاترا کے3ہفتے مکمل ہوئے ہیں ،اوراب تک 3لاکھ سے زیادہ یاتریوںنے سطح سمندر سے3880میٹر بلندی پرواقع امرناتھ گھپا میں حاضری دی ہے ۔جے کے این ایس کے مطابق ہفتہ کے روز جموںوکشمیر کے لیفٹنٹ گورنر منوج سنہا نے اعلیٰ حکام کے ہمراہ چندن واڑی پہلگام بیس کیمپ کادورہ کیا ،جہاں انہوںنے یاتریوں کوفراہم کی جانے والی مختلف سہولیات اورخدمات کاجائزہ لیا ۔اس دوران لیفٹنٹ گورنر نے یاتریوں ،صفائی کارکنوں اور دیگرخدمات فراہم کرنے والوںکیساتھ بات چیت کی ۔لیفٹنٹ گورنر منوج سنہا نے یہاں امرناتھ یاتریوں کوفراہم کی جانے والی مختلف سہولیات اورخدمات کاجائزہ لیا۔ایل جی آفس کے ٹویٹر ہینڈل پر لیفٹنٹ گورنر سے منصوب کلمات کے مطابق موصوف نے ہفتہ کونون ون پہلگام بیس کیمپ کے دورے کے دوران یاتریوں سے بات چیت کی، اوران کیلئے کئے گئے انتظامات کا جائزہ لیا۔ لیفٹنٹ گورنر منوج سنہا نے خراب موسمی صورت میں یاتریوں کے لئے آرام دہ قیام، خوراک، صحت کی دیکھ بھال، رابطے، صفائی، پانی اور دیگر سہولیات کیلئے اٹھائے گئے اقدامات پر تبادلہ خیال کیا۔لیفٹنٹ گورنر منوج سنہا نے اس موقعہ پر کہاکہ مجھے پوری ٹیم، شرائن بورڈ، جموں وکشمیرپولیس، مرکزی پولیس فورسز، آرمی، بی آر اﺅ، این ڈی آر ایف، ایس ڈی آر ایف، ماو ¿نٹین ریسکیو ٹیموں، خدمات فراہم کرنے والوں، شہریوں پر قابل ستائش کام اور یاترا کے ہموار انعقاد کو یقینی بنانے پر بہت فخر ہے۔لیفٹنٹ گورنر منوج سنہا نے کہاکہ اپنی یکجہتی، عزم اور تیاری کے ذریعے، ہم مستقبل کے کسی بھی چیلنج پر قابو پالیں گے۔منوج سنہا نے مزید کہاکہ ملک اور بیرون ملک سے آنے والے یاتری اب جموں و کشمیر کے برانڈ ایمبیسیڈر ہیں۔انہوںنے کہاکہ روحانی زیارت سے وابستہ اقتصادی سرگرمیاں مقامی لوگوں کے لئے روزی روٹی پیدا کرتی ہیں اور جموں وکشمیر میں سیاحوں کی آمد کو
