سید اعجاز
اونتی پورہ//قصبہ اونتی پورہ سے چند کلو میٹر دور ترال نودل سڑک کے کنارے آبادی راجپورہ الر اونتی پورہ میں تیندے کی موجودگی کے باعث علاقے کی آبادی میں خوف و ہشت میں مبتلا ہوئی ہے جس کی وجہ سے لوگ دن اور رات کو بھی گھروں سے باہر نکلنے میں ڈر محسوس کر رہے ہیں ۔ مقامی لوگوں نے بتایا گزشتہ دنوں تیندے نے یہاںنذدیک میں موجود بکروال کنبے کے ایک بچے پر حملہ کیا ہے جو شدید زخمی ہوا ہے جبکہ اس کے چند روز بعد تیندوا پھر ایک بار اسی بکروال کے مویشیوں پر ٹوٹ پڑا ور تین مویشیوں کو ہلاک کر کے یہاں سے فرار ہوا۔لوگوں کاکہنا ہے کہ تیندوا انسانوں پر حملے کرتا ہے جس سے صاف ہوا کہ تیندوا آدم خور ہے ایک مقامی بزگ محمد شعبان بٹ نے بتایا یہاں نذدیک میں بہت زیادہ گھنے درخت اور پودوں کے ساتھ بھنگ بڑے پیمانے پرموجود ہے ہمیں شک ہے کہ وہ تیندوا یہاں دن اور رات میں بھی اسی بستی میں موجود رہتا ہے کیوں شام ہوتے ہیں اس کو کئی بار دیکھا گیا ہے ۔انہوں نے بتایا جہاں لوگ گھروں سے باہر جانے میں کتراتے ہیں وہی دوسری جانب ہم سکولی بچوں کو سکول تک مل کر بستی کے لوگ ساتھ جاتے ہیں جب کہ کوئی بھی اپ نے کھیتوں کا رخ نہیں کر تا ہے ۔انہوں نے کہا بستی میں شام ہوتے ہی سناٹا چھایا رہتا ہے ۔ایک اور شہری عبد الستار کچھے نے بتایا ہم رات بھی ڈر کی وجہ سے سوتے بھی نہیں ہے ۔انہوں نے انتظامیہ سے اپیل کی ہے کہ سب سے پہلے بستی میں یہاں درختوں کے ساتھ ساتھ بھنگ کو ختم کرنے کے لئے اقدامات اٹھایا جائے ۔ادھر عوامی شکایت کے بعد محکمہ وائلڈ لائف نے بستی میں ایک جھال نصب کیا ہے تاہم تاحال تیندوا قابو نہیں ہوا ہے اس نے محکمہ وائلڈ لائف سے کچھ منفرد اقدامات اٹھانے کی اپیل کی ہے ۔
