سری نگر10 اگست : کے این ایس : وسطی کشمیر کے ضلع بڈگام اور شمالی کشمیر کے بارہمولہ علاقے میں پولیس اورفورسز نے مشترکہ کارروائیوں کے دوران لشکر طیبہ کے6ملی ٹینٹ معاونین کو گرفتار کیا ہے پولیس نے گرفتار شدگان سے اسلحہ اور دیگرقابل اعتراض موادضبط کرنے کا دعویٰ کیا ہے ۔کشمیر نیوز سروس ( کے این این ایس ) کے مطابق پولیس نے سیکورٹی فورسز کے ساتھ مل کر بڈگام میں کالعدملی ٹینٹ تنظیم لشکر طیبہ سے منسلک3ملی ٹینٹوں کے ساتھیوں کو گرفتار کیا اور ان کے قبضے سے اشتعال انگیز مواد برآمد کیا۔پولیس نے بتایاانہوں نے فوج (62 RR) کے ساتھ مل کر ضلع بڈگام کے خانصاحب علاقے میں 03 دہشت گرد ساتھیوں کو گرفتار کیا۔ ان کی شناخت قیصر احمد ڈار ولد غلام نبی ڈار ساکنہ کرمشورہ، طاہر احمد ڈار ولد غلام نبی ڈار ساکنہ واگر اور عاقب رشید گنائی ولد عبدالرشید گنائی ساکن واگر کے طور پر ہوئی ہے جن کا تعلق کالعدم دہشت گرد تنظیم ایل ای ٹی سے ہے۔ان کے قبضے سے ایک چینی ہینڈ گرنیڈ، دو میگزین اور 57 زندہ را¶نڈز سمیت مجرمانہ مواد برآمد کیا گیا ہے۔ برآمد ہونے والے تمام سامان کو مزید تفتیش کے لیے کیس ریکارڈ میں لے لیا گیا ہے۔اسی مناسبت سے تھانہ خانصاحب میں قانون کی متعلقہ دفعات کے تحت مقدمہ درج کر کے تفتیش شروع کر دی گئی ہے ادھرجموں و کشمیر پولیس نے بارہمولہ میں فوج کے ساتھ مل کر ممنوعہ دہشت گرد تنظیم ایل ای ٹی سے منسلک 03 دہشت گرد ساتھیوں کو گرفتار کرکے دہشت گردی کے ایک ماگروہ کا پردہ فاش کیا۔ ان کے قبضے سے مجرمانہ مواد، اسلحہ اور گولہ بارود بھی برآمد ہوا ہے۔چرونڈا اُوڑی میں مشترکہ گشت کے دوران، بارہمولہ پولیس اور فوج (16 SIKHLI) کی ایک مشترکہ ٹیم نے ایک مشکوک شخص کو دیکھا جس نے گشت کرنے والی پارٹی کو دیکھ کر فرار ہونے کی کوشش کی۔ تاہم ملزم کو بڑی تدبیر سے پکڑ لیا گیا۔ اس کی شناخت شوکت علی اعوان ولد عبدالکریم اعوان ساکنہ چرونڈا اوڑی کے بطور ہوئی ہے۔دوران تلاشی اس کے قبضے سے 02 دستی بم برآمد ہوئے۔ اس کے بعد اسے تھانے منتقل کر دیا گیا جہاں اس سے مسلسل پوچھ گچھ کی گئی۔ پوچھ گچھ کے دوران اس نے اپنے ساتھیوں کے نام احمد دین ولد شکور دین اور محمد صادق کھٹانہ ولد عمر دین بتائے جو دونوں چرونڈا اوڑی کے رہنے والے تھے جنہیں بعد میں گرفتار کر لیا گیا۔ ان کے انکشاف پر 02 دستی بم، 01 چائنیز پستول، 1 پستول میگزین، 4 زندہ را¶نڈز اور دیگر قابل اعتراض مواد برآمد ہوا۔
