سری نگر ایکم ستمر , ہر سال، وزارت تعلیم چند منتخب اساتذہ کو اساتذہ کو قومی اعزازات سے نوازتی ہے۔ اس بار وزارت نے اس ایوارڈ کے لیے 50 اساتذہ کا انتخاب کیا ہے۔ایوارڈ کی تقریب وگیان بھون، نئی دہلی میں یوم اساتذہ (5 ستمبر) پر منعقد ہونے والی ہے۔ ہر ایوارڈ میں میرٹ کا سرٹیفکیٹ، 50 روپے کا نقد انعام اور چاندی کا تمغہ ہوتا ہے۔کشمیر نیوز سروس ( کے این ایس ) کے مطابق جموں و کشمیر سے منتخب یونے والے اساتذہ میں ریاض احمد شیخ بھی شامل ہے جو جنوبی کشمیر کے ضلع اننت ناگ سے تعلق رکھتا ہے ۔ریاض احمد زون شانگس کے ایک تعلیمی ادارے گورنمنٹ مڈل سکول پوشناڑے میں تعینات ہے۔ریاض احمد13سال سے اسی سکول میں اپنے فرائض انجام دے رہا ہے ۔انہوں نے بتایاسال2009ءمیں جب میں اسی تعلیمی ادارے میں تعینات ہوا تو یہاں مختلف مسائل درپیش تھے جس میں صرف2کمرے تھے میں ٹیم کے ساتھ مل کر کوشش کی ہے اور تب سے آج تک سکول نے کافی اچھی کارکردگی کا دکھائی ہے۔ریاض احمد نے بتایا کہ جب میں یہاں آیاکل35بچے یہاں زیر تعلیم تھے اور اس وقت سب کی کوششوں کی وجہ سے سکول میں100بچے زیر تعلیم ہیںاس کے علاوہ سکول نے نصاب کے ساتھ ساتھ غیر نصابی سرگرمیوں میں بڑے پیمانے پر کام کیا۔انہوں نے بتایا بچیوں کی تعلیم کے لئے بہت زیادہ کوششیں کرنا پڑے ۔انہوں نے اس ایواڑ کو ملنے پر خوشی اور مسرت کا اظہار کیا ہے یہ منتخب اساتذہ 3 ستمبر کو قومی راجدھانی پہنچیں گے، اور ان منتخب اساتذہ کے لیے ہوٹل ‘دی اشوک’ میں ان کے قیام و طعام کا انتظام 3ستمبر (دوپہر) سے 6 ستمبر (دوپہر) تک کر دیا گیا ہے۔ 3ستمبر کو شام 5 بجے ہوٹل میں بریفنگ میٹنگ ہوگی جس میں آئندہ دنوں کے شیڈول پر غور کیا جائے گا۔منتخب اساتذہ کی مکمل فہرست میںمنتخب میں، ہریانہ (ریواڑی) سے ایک ایک استاد، ستیہ پال سنگھ؛ ہماچل پردیش (کانگڑا)، وجے کمار؛ پنجاب (لدھیانہ)، امرت پال سنگھ؛ دہلی، آرتی قانونگو؛ اتراکھنڈ (پوری گڑھوال)، دولت سنگھ گوسائیں؛ چنڈی گڑھ، سنجے کمار؛ گوا، اویناش مرلیدھر پارکھے؛ دادرا اور نگر حویلی اور دمن اور دیو، شیام سندر رام چند خان چندانی؛ چھتیس گڑھ، برجیش پانڈے؛ جھارکھنڈ، محمد اعجاز الحق؛ مغربی بنگال، چندن مشرا؛ جموں و کشمیر، ریاض احمد شیخ؛ ارنچل پردیش، نیتائی چندر ڈے؛ منی پور، ننگتھوجام بنوئے سنگھ؛ سکم، ڈاکٹر پورن بہادر چھتری؛ میزورم، لالتھیانگلیما؛ میگھالیہ، مادھو سنگھ؛ آسام، کمود کلیتا؛ کیرالہ، جوس ڈی سوجیو؛ اور مہاراشٹر، مرنل نند کشور گنجلے شامل ہے۔
