- سید اعجاز
- اونتی پورہ// جنوبی کشمیر کے اونتی پورہ پولیس ضلع میں منشیات کی بدعت کو مکمل طور جڑ سے اکھاڑنے کے لئے جہاں ضلع میں بڑے پیمانے پرمشیات کی کاشت کو تباہ کیا گیا ہے وہی دوسری جانب علاقے میں منشیات فروشوں کے خلاف جاری کارروائیوں میں تیزی لائی گئی ہے۔ضلع کے پانپور علاقے میں ایک تازہ کارروائی میں 2منشیات فروشوں کو گرفتار کر کے ان کے قبضے سے نشیلی ادویات برآمد کی گئی یے پولیس کی جانب سے جاری ایک بیان میں بتایا گیا ہے کہ ایس ڈی پی او پامپور رشن رتن کی نگرانی میں ایس ایچ او پامپور انسپکٹر جازب محمد کی سربراہی میں پولیس اسٹیشن پامپور کی ایک پولیس پارٹی نے گالندر کراسنگ پر قائم ایک چوکی پر ایک گاڑی Etios زیررجسٹریشن نمبر DL7CG-7155 تھا، کو روکا جس میں دو افراد سوار تھے۔ ان کی شناخت جعفر جہانگیر ولد محمد میر اور ساحل مشتاق ولد مشتاق احمد بٹ ساکن صفا پورہ کے طور پر کی گئی ہے۔ دوران چیکنگ ان کے قبضے سے 115 بوتلیں کوریکس سیرپ برآمد ہوئیں۔ انہیں گرفتار کر کے تھانے منتقل کر دیا گیا ہے جہاں وہ زیر حراست ہیں۔ اس کے علاوہ جرائم میں استعمال ہونے والی گاڑی بھی قبضے میں لے لی گئی ہے۔جبکہ اس حوالے سے ایک ایف آئی آر نمبر 109/2023 کے تحت قانون کی متعلقہ دفعات کے تحت ایک مقدمہ پولیس اسٹیشن پامپور میں درج کیا گیا ہے۔ یہاں یہ بات قابل ذکر ہے کہ گزشتہ 3 مہینوں کے دوران پولیس اسٹیشن پامپور نے 11 ملوث منشیات فروشوں کے خلاف 06 این ڈی پی ایس ایکٹ مقدمات درج کیے ہیں۔ اس کے علاوہ ایک بدنام زمانہ منشیات فروش PIT NDPS کے تحت زیر حراست ہے۔
