سید اعجاز
ترال// یوم اساتذہ 2023کے موقع پر گورنمنٹ ڈگری کالج ترال کے فیکلٹی ممبران کی ایک ٹیم نے منگل کے روز گورنمنٹ اپر پرائمری سکول(UPS) ناگہ بل کا دورہ کیا اور سکول کے اساتذہ اور طلباءکے ساتھ دن منایا۔ انسان دوستی کے جذبے کے ساتھ اس جذبہ خیر سگالی کا آغاز جی ڈگری کالج ترال کے پرنسپل پروفیسر (ڈاکٹر) مشتاق احمد ملک نے ابتدائی سطح پر اساتذہ کے تعاون کو تسلیم کرنے کے لیے کیا تھا جو معاشرے کی لاتعلقی کے باعث نظر نہیں آرہے ہیں۔پروگرام کے ٹیم لیڈر پروفیسر اسحاق احمد وانی نے اپنے خطاب میں کہا کہ سرکاری سکولوں بالخصوص دور دراز علاقوں میں کام کرنے والے سکولوں کے کردار کو نظر انداز نہیں کیا جا سکتا۔ انہوں نے مزید کہا کہ یہ شائستہ اقدام اسکولی تعلیم اور اعلیٰ تعلیم کے درمیان ایک پل کا کام کرسکتا ہے تاکہ انسانی وسائل کی مجموعی ترقی کا تصور کیا جاسکے۔سکول کے ہیڈ ماسٹر منظور احمد ملک نے اس خوش آئند اقدام کو سراہتے ہوئے دعا کی کہ مستقبل میں بھی ایسے پروگرام مل کر منعقد کیے جائیں تاکہ اساتذہ برادری کی حوصلہ افزائی ہو اور ان کے تعاون کو تسلیم کیا جا سکے۔ادھر ہیڈ ماسٹر نے نمائندے کے ساتھ بات کرتے ہوئے ڈگری کالج ترال کے پرنسپل اور باقی ممبران کا شکریہ ادا کیا ہے انہوں نے کہا یہ پہلا موقعہ ہے کہ کسی کالج نے اس سکول میں دن منایا جہاں سے بچے نکل کر کالج تک پہنچ جاتے ہیں۔انہوں نے کہا اس اقدام سے سرکاری تعلیمی اداروں کے میعار میں مزید بہتری آنے کی امید ہے جبکہ سکول کے باقی اساتذہ اور بچوں نے بھی کالج عملے کا سکولی بچوں کے ساتھ دن منانے پر خوشی کا اظہار کیا ۔
