سید اعجاز
ترال ۔29واں نیشنل تھنگتا چمپئن شپ2023گزشتہ روز 3سے 5اکتوبر کے دوران سرینگر ملٹی پرپزانڈور حال پولو گراونڈ سرینگرمیں کھلا گیا ہے اس چمپئن شپ میں 25ریاستوں سے تعلق رکھنے والے700 کھلاڑیوں نے شرکت کی ہے جس دوران مختلف علاقوں سے تعلق رکھنے والے کھلاڑیوں نے مختلف زمروں کے میڈل حاصل کئے ہیں ۔ ان کھلاڑیوں میں ترال کے اکمل سکول میں زیر تعلیم حامد بشیر ولد بشیر احمد ساکن لال پورہ کہلیل ترال بھی شامل ہے جنہوں نے اس چمپئن شپ میں گولڈ میڈل حاصل کیا ہے ۔خیال رہے ترال میں کھیلو انڈیا کا ایک مرکز گزشتہ کئی سال سے چل رہا ہے جہاں سے مارشل آرٹ میں بچوں کی ایک بڑی تعداد نے تربیت حاصل کی ہے جہاں تعینات کوچ سجاد احمد کے زیر تربیت نوجوانوں کی ایک بڑی تعداد نے ملک کے مختلف حصوں سے گولڈ سمیت مختلف میڈل حاصل کئے ہیں ۔
