سری نگر17 اکتوبر،: وادی کشمیر،خط چناب اور پیر پنچا ل اور لداخ کے مختلف علاقوں میں منگل کے روز مسلسل چوتھے دن بھی پہاڑی علاقوں میں برف باری ہوئی جبکہ میدانی علاقوں میں رات بھر شدید بارشوں کے بعد سردی کی شدت میں اضافہ ہوا ہے اس دوران سخت سردی بارشوں اور پہاڑوں پر تازہ برف باری کی وجہ سے معمولات کے کام کاج میں خلل پڑا ہے ۔ اس دوران محکمہ موسمیات کے ڈائر ایکٹر سونم لوٹس نے بتایا کہ منگل کے روز جنوبی کشمیر کے کچھ علاقوں میں شدید بارشوں کے علاوہ پہاڑی علاقوں میں برف باری ہوئی ہے اور بدھ سے موسم میں بہتری کے ساتھ ہی اگلے10روز تک موسم خشک رہنے کا امکان ہے ۔کشمیر نیوز سروس ( کے این ایس ) کے مطابق منگل کے روزموسم مسلسل چوتھے دن بھی وادی کشمیر،لداخ ،خطہ پیر پنچال اور چناب کے میدانی علاقوں میں شدید بارشیں ہوئی ہے جبکہ پہاڑوں پر اچھی خاصی برف باری دیکھنے کو ملی ہے جس کی وجہ سے رواں سیزن میں پہلی بار اتنی زیادہ سردی محسوس ہوئی ہے۔کشمیر نیوز سروس کے مختلف اضلاع میں موجود نمائندوں نے اطلاع دی ہے رات بھر یہاں میدانی علاقوں میں شدید بارشیں ہوئی ہے جس کا سلسلہ برابر صبح تک جاری رہا ہے انہوں نے بتایا رات بھر کی بارشوں کے بعد یہاں میدانی علاقوں میں لوگوں کو شدید سردی کا سامنا کرنا پڑا ہے انہوں نے بتایا یہاں لوگوں نے گرم ملبوسات اور باجابط طور کانگڑیوں کا استعمال کرنا شروع کیا ہے جبکہ کشمیری فرن کا تقریباً ہر علاقے میں پہنچا شروع ہوا ہے ۔ اس دوران سرکاری دفاتر میں گیس بخاریوں کے ساتھ ساتھ ،ہیٹر،بلوروں کو استعمال میں لایا گیا ہے ۔ادھر مغل روڑ پر گزشتہ رات پھربرف باری ہوئی ہے جس کے نتیجے میں یہاں سڑک آمد رفت کے لئے مکمل بند رہی ہے جبکہ خطہ چناب کے ڈوڈہ اور کشتواڑ علاقوں میں مسلسل دوسرے دن بھی بارشیں اور برف باری کا سلسلہ وادی کے طرز پر جاری رہا ہے جس دوران ایک دو تعمیراتی دانچے منہدم ہوئے ہیں تاہم کسی جانی نقصان کی کوئی اطلاع موصول نہیں ہوئی ہے ۔ خیال رہے وادی کشمیر میں محکمہ موسمیات کی پیش گوئی کے عین مطابق برف باری اور بارشیں ہوئی ہے جس کے نتیجے میں علاقے میں یہاں کام رکا پڑا ہے جبکہ لوگوں نے زمینداری کاکام متاثر ہوا ہے ۔ادھر محکمہ موسمیات کے ڈائر ایکٹر سونم لوٹس نے بتایا کہ منگل کے روز وادی کے بیشتر علاقوں میں مسلسل چوتھے روز بھی بارشیں ہوئی جبکہ پہاڑی علاقوں میں برف باری ہوئی ہے انہوں نے بتایا کہ بدھ سے موسم میں بہتری کے ساتھ ہی اگلے قریب10روز تک موسم خشک رہنے کاا مکان ہے۔