گورنمنٹ مڈل سکول وان پورہ کاکا پورہ کا حال بے حال

سری نگر27 اکتوبر،: //ضلع پلوامہ کے کاکا پورہ زون کے تحت آنے والے ایک گورنمنٹ مڈل سکول میں 150کو بیٹھنے کے لئے صرف 3کمرے موجود ہے جس کی جہ سے سکول میں زیر تعلیم بچوں کے ساتھ ساتھ عملے کو طرح طرح کے پریشانیوں کا سامنا کرنا پڑ رہاہے ۔مقامی ذرائع سے معلوم ہوا گورنمنٹ بائزمڈل سکول وان پورہ کاکاپورہ پلوامہ میں9جماعتوں میں150طلباءوطالبات زیر تعلیم ہیں تاہم یہاں جگہ کی عدم موجودگی کے باعث انہیں پریشانیوں کا سامنا کرنا پڑ رہا ہے ۔ سکولی ذرائع نے بتایا کہ سکول کے لئے یہاں بہتر انداز میں جگہ تھی تاہم دو میں سے چند سال پہلے نا معلوم افراد کی جانب سے ایک عمارت کو آگ لگا دی گئی تھی جس کے نتیجے میں یہاں ایک ہی عمارت موجود رہی جہاں150بچوں کو بٹھانا پڑتا ہے ۔انہوں نے بتایا اگر چہ اساتذہ نے جگہ کی کمی کے بعدخاکستر عمارت کے ایک کمرے کے اوپر ٹین کی چادروںلگایا اور ایک کمرے کواستعمال کرنا چایا تاہم یہاں بدبو کی وجہ سے بچے بیٹھے نہیں سکتے ہیں ۔ انہوں نے بتایا کہ سکول کے لئے ایک عمارت کو محکمہ دہی ترقی نے منظوری دی ہے تاہم تاحال کام شروع نہیں کیا گیا جس کی وجہ سے بچوں کے ساتھ ساتھ یہاں عملے کو طرح طرح کی پریشانیوں کا سامنا کرنا پڑ رہا ہے ۔اساتذہ نے بتایا انہیں ہر موسم خاص کر بارشوں میں پریشانیوں کا سامنا کرنا پڑ رہا ہے۔ سکول میں زیر تعلیم بچوں کے والدین اور اساتذہ نے انتطامیہ سے اس بارے میں مداخلت کی اپیل کی ہے…………