سری نگر16 نومبر جموں و کشمیر کے ڈوڈا ضلع کے بھدرواہ میں جمعرات کو آگ لگنے کی واردات میں 8رہائشی مکان خاکستر ہوئے ہیں جبکہ اس واردات میں لاکھوں روپے مالیت کا گھریلو ساز و سامان راکھ کے ڈھیر میں تبدیل ہوا ہے ۔پولیس نے واقعے کے حوالے سے ایک کیس درج کر کے مزید تحقیقات شروع کی ہے۔ کشمیر نیوز سروس ( کے این ایس )کے مطابق بھدرواہ کے چننوٹ علاقے میںجمعرات کی صبح 4.45 بجے شارٹ سرکٹ کی وجہ سے لگی آگ نے بڑے پیمانے پر تباہی مچائی ہے جس کے نتیجے میں یہاں اس واقعے میں 8رہائشی مکان خاکستر ہوئے ہیں اور لاکھوں روپے کاساز وسامان جل کر راکھ ہوا ہے تاہم میں کوئی جانی نقصان نہیں ہوا۔، سینئر سپرنٹنڈنٹ آف پولیس، ڈوڈا، عبدالقیوم نے کہاکہ آگ ظاہر ہونے کے ساتھ ہی آگ بجھانے کے لیے فائر فائٹنگ کی پانچ مشینیں فوری طور پر کام میں لگائی گئیںجبکہ مقامی لوگوں کی مدد سے آگ پر قابو پالیا گیا ہے”انہوں نے کہا کہ آگ لگنے سے آٹھ عمارتیں جل کر خاکستر ہوگئیں تاہم واقعے میں کوئی جانی نقصان نہیں ہوا۔ حکام نے بتایا کہ آگ سے تباہ ہونے والے ڈھانچے میں رہائشی مکانات، ایک گیسٹ ہاو¿س اور ایک فوڈ جوائنٹ شامل ہیں۔نمائندے نے بتایا اس وارادت کی وجہ سے کئی کنبے کھلے آسمان تلے زندگی بسر کرنے پر مجبور ہوئے ہیں ۔پولیس نے بھی واقعے کے حوالے سے ایک کیس درج کر کے مزید تحقیقات شروع کیا ہے ۔
