سید اعجاز
ترال//لٹل اینجلزاکاڈمی ترال کی جانب سے سنیچر کے روز بجونی اسٹیڈیم میں”انیول سپورٹس میٹ2023“ منعقد ہوا جس میں سکول میں زیر تعلیم مختلف جماعتوں کے300سے زائد طلباءوطالبات نے حصہ لیکرمختلف کھیلوں میں شرکت کی۔اس دوران الگ لگ کھیلوں کے ٹیم بنائے گئے تھے جس میں حصہ لینے والے طلباءکو بہترین کھیل کا مظاہرہ کرنے پر انہیں سکول انتظامیہ کی جانب سے مبارک باد پیش کرتے ہوئے انعامات سے نوازا گیا ۔سالانہ سپورٹس میٹ میں حصہ لینے پر یہاں طلباءنے زبردست خوشی کا اظہار کرتے ہوئے کہا کہ ہمارے سکول میں نصاب کے ساتھ ساتھ غیر نصابی سرگرمیاں سکھائی جاتی ہے جس کے لئے ہم سکول انتظامیہ کے مشکور ہیں ۔ایک طالبہ نے بتایا کہ میں دس بچوں کے ساتھ کھڑا نہیں ہو سکتی تھی لیکن آج300بچوں کے سامنے میں نے کھیلا مجھے وہ خوف دور ہوا ۔منعقدہ پروگرام میں الگ الگ کھیلوں کے مدد سے یہاں سکول کے تمام طلباءنے حصہ لیا ہے اور الگ الگ انعامات سے انہیں نوازا گیا ہے سکول کی پرنسپل افشانہ بشیر نے بتایا کہ انہوں نے آج یہاں سالانہ سپورٹس میٹ2023کا انعقاد کیا جس میں سکول میں زیر تعلیم طلباءنے بڑ چڑشرکت کی ہے انہوں نے بتایا سکول انتظامیہ کی کوشش ہے کہ ہمارے بچے نصابی و غیر نصابی سرگرمیوں میں حصہ لیکر دونوں میں آگے نکلے ۔انہوں نے بتایا موجودہ دور میں تعلیم کے ساتھ ساتھ بچوں کو کھیل کود میں بڑ چڑ کر حصہ لینا بھی ان کی صحت مند زندگی کے لئے بہت ضروری ہے