چندی گڑھ /22 دسمبر2023ئجموں و کشمیر کی ماسٹرز رولر ہاکی ٹیم نے چندی گڈھ میں بین الاقوامی رولر ہاکی پلیئر راجیش آنند (جموں وکشمیر پولیس) کی قیادت میں 61ویں قومی رولر سکیٹنگ چمپئن شپ میں ایک بار پھر مسلسل پانچویں سال قومی اعزاز حاصل کر کے سونے کا تمغہ جیتا ہے۔ جموں و کشمیر کی ٹیم نے اَپنے لیگ میچوں میں چنڈی گڈھ، تلنگانہ اور پنجاب کی ٹیموں کو شکست دی اور شاندار کارکردگی کا مظاہرہ کیا جسے شائقین نے بے حد سراہا۔یہ بات قابلِ ذِکر ہے کہ جموں و کشمیر ماسٹرز رولر ہاکی ٹیم نے گذشتہ پانچ برسوں میں ایک بھی میچ نہیں ہارا اور اِس کے علاوہ ٹیم کے تمام ممبران مختلف سرکاری محکموں میں کام کر رہے ہیں۔
