اننت ناگ 22 دسمبر 2023 ئ کمشنر سیکرٹری کواپریٹو ، اے آر آئی اور ٹریننگ ڈیپارٹمنٹس اور ہولیسٹک ایگریکلچر ڈیولپمنٹ پروگرام ( ایچ اے ڈی پی ) کی مشن ڈائریکٹر یشا مدگل نے آج ڈی سی آفس کمپلیکس میں ضلع اننت ناگ کے زراعت اور اس سے منسلک شعبوں کے ساتھ ہولیسٹک ایگریکلچر ڈیولپمنٹ پروگرام پر ایک جائیزہ میٹنگ کی صدارت کی ۔
اس جائیزے کا مقصد جاری ہولیسٹک ایگریکلچر ڈیولپمنٹ پروجیکٹس پر فزیکل اور مالیاتی پیش رفت کا جائیزہ لینا اور ان کے نفاذ سے متعلق اہم پہلوو¿ں کو حل کرنا تھا ۔ کمشنر سیکرٹری نے جموں و کشمیر کے یو ٹی میں آن لائن ڈیش بورڈ پر ایچ اے ڈی پی پروجیکٹوں کے تحت سب سے زیادہ درخواستیں حاصل کرنے اور نمٹانے کیلئے ضلع کی تعریف کی ۔ سرکاری عداد و شمار کے مطابق پورٹل پر 6585 درخواستیں موصول ہوئی ہیں جو جموں و کشمیر کے یو ٹی کے اضلاع میں سب سے زیادہ ہے جن میں سے اب تک 4439 درخواستیں ضلعی سطح کی کمیٹی نے منظور کی ہیں ۔ یشا مدگل نے ڈی سی اننت ناگ کو ایچ اے ڈی پی کے تحت موصول ہونے والے مقدمات کی منظوری کیلئے بروقت ڈی ایل سیز کے انعقاد میں فعال کردار کیلئے مبارکباد دی ۔