سید اعجاز
ترال //وادی کشمیر کے معروف معالج مصنف و سماجی کارکن ڈاکٹر نثار احمد بٹ ترالی کی تازہ تحریر کردہ کتاب ”
آئینہ حجِ مبرور“ کی روسم رونمائی سنیچر کے روز اخلاص ہال (صدیقی ہال) صدر بازار ترال پائین می انجام دی گئی ہے تقریب کا آغاز تلاوت کلام پاک سے ہوا،جس کی سعادت حافظ اشفاق احمد نے حاصل کی ۔اس کے بعد ترانہ اخلاص پیش کرنے کی سعادت جامعة الاخلاص کے ایک ہونہار طالب علم رئیس الاسلام نے کی۔ خیال رہے اس کتاب کی تحقیق ، ترتیب وتدوین ڈاکٹر نثار احمد بٹ ترالی نے کی ۔یہ کتاب حج و عمرہ کی قدم بہ قدم رہنمائی کے لئے اُردو میں اب تک کی سب سے بڑی اور جامع کتاب مع رنگین و تصاویر ہے ۔کتاب کی رسمِ رونمائی تقریب میں مختلف طبقہ ہائے فکرسے تعلق رکھنے والے تقریباً 150افراد نے شرکت کی۔ تقریب میںپروفیسر کلیم اللہ خان(سرپرست اڈلٹ قرآنک ایجوکیشن پروگرام کشمیر)مہمان خصوصی جبکہ ڈاکٹر مشتاق مرغوب( ماہر نفسیات، سماجی کارکن اور مصنف ) مہمان ذی وقار کے طورموجود تھے۔ ڈاکٹر نثار احمد بٹ ترالی (بانی و سرپرست اخلاص ٹرسٹ ترال) ڈائس پر تھے۔مذکورہ کتاب کے حوالے سے presentationدکھائی گئی،جس میںمصنف نے کتاب کا مختصر خلاصہ پیش کیا۔حج کی بے اثری کی خاص وجہ مناسک حج کی حقیقت سے لا علمی ہے ۔اس کتاب میں مفصل اور سادہ انداز میں حج کی ادائیگی کو لےکر مکمل تفاصیل درج کی گئی ہیں۔ہر عازم کے لئے ضروری ہے کہ حج اور عمرہ سے پہلے وہ اِن کی ادائیگی کے طریقوں سے واقف ہو ۔حج کے لئے روانگی سے پہلے ہر عازم حج کے لئے مناسک حج اور اُس سے متعلق جملہ امور کو پوری طرح جان لینا ضروری ہے تاکہ یہ روحانی اور ایمانی سفر، روح اور ایمان کی تازگی کا سبب بنے۔میڈیا کے ساتھ بات کرتے ہوئے ڈاکٹر نثار احمد نے بتایا جوکتاب آج منظر عام پر آئی اس پر 10سال کی ان تھک محنت لگی ہے ۔کتاب کل 452صفحات پر مشتمل ہے،جس میں92رنگین صفحات پر 225رنگین تصویریں
شامل ہیں خیال رہے ڈاکٹر نثار احمد بٹ ترالی نے اب تک قریباً40کتابوں کو تحریر کیا ہے جن میں آئینہ ترال،آئینہ مدارس،کفن ،دفن غسل و غیرہ قابل ذکر ہے ۔