سری نگر24 دسمبر ,وسطی کشمیر کے ضلع بڈگام کے بیروہ سے تعلق رکھنے والے لوگوں نے جہانگیر چوک سے علاقے کے لئے ایس آر ٹی سی بس سروس کو چالو کرنے کا مطالبہ کیا ہے آبادی نے پہلے شروع کی گئی بس روٹ اچانک بند کرنے پر برہمی کا اظہار کیا۔انہوں نے اس سلسلے میں حکام سے مداخلت کی اپیل کی ہے ۔کشمیر نیوز سروس ( کے این ایس ) کے مطابق یہ مطالبہ اس وقت سامنے آیا جب اس روٹ پر ایک بار شروع کی جانے والی بس سروس کو نا معلوم وجوہات کی بناءپر بند کر دیا ہے، جس سے مسافروں کو مشکلات کا سامنا ہے۔ایک شہری اعجاز احمد نے بتایا کہ سروس شروع ہونے پر لوگوں کو کافی راحت نصیب ہوئی تھی تاہم روٹ پر بس نے اچانک چلنا بند کر دیا جس پرتو مقامی لوگوں نے مایوسی کا اظہار ہو گئے۔علاقے کے ملازم پیشہ افراد اور طلباءنے بتایاانہیں اب یہاں روزانہ سفر کرنے میں طرح طرح کے مشکلات کا سامنا کرنا پڑ رہا ہے ۔انہوں اس اہم سروس کو جلد از جلد دوبارہ شروع کرنے کا مطالبہ کر رہے ہیں۔
