سری نگر25 دسمبر ,وکست بھارت سنکلپ یاترا پیر کے روز جنوبی کشمیر ضلع اننت ناگ کے میونسپل کمیٹی ڈورو پہنچی جہاں لائن ڈپارٹمنٹس کے نمائندوں نے مختلف مرکزی اسپانسر شدہ اسکیموں پر بات چیت کی یعنی ایم سی ڈورو کے آخری فرد تک ان کی رسائی۔کشمیر نیوز سروس ( کے این ایس ) کے مطابق اس دوران ایس ڈی ایم ڈورو، تحصیلدار ڈورو، ای او ایم سی ڈورو کے علاوہ پرسار بھارتی کے نوڈل آفیسر اننت ناگ مدثر نے اسٹالوں کا معائنہ کیا اور مختلف محکموں کے نمائندوں سے بات چیت کی۔”اسپیشل آئی ای سی وین میں خوش آمدید، وزیر اعظم کے خصوصی پیغام کو سننا، سنکلپ عہد، مختلف مرکزی اسپانسر شدہ اسکیموں کے بارے میں بیداری، میری کہانی میری زوبانی، گولڈن کارڈز کی تقسیم، سوائل ہیلتھ کارڈ، نئے منظور شدہ راشن کارڈ، اجولا گیس کنکشن کی تقسیم سمیت سرگرمیاں۔ شرکائ میں اسناد کی تقسیم کے علاوہ ثقافتی پروگرام کا انعقاد کیا گیا۔مختلف محکموں نے اپنے اسٹال لگائے تھے جس میں لوگوں کو حکومت کی مختلف مرکزی اسپانسرڈ اسکیموں کے بارے میں معلومات فراہم کی گئیں، اس کے علاوہ محکمہ صحت اور آیوش نے عوام کو مفت مشاورت اور ادویات فراہم کیں۔ طلباءنے ثقافتی پروگرام پیش کئے۔
