سری نگر26 جنوبی کشمیر میں سیکورٹی صورتحال کا مجموعی جائزہ لینے کیلئے اونتی پورہ وکٹر فورس ہیڈکوارٹر میں جنرل آفیسر کمانڈر وکٹر فورس اور انسپکٹر جنر ل آف پولیس کشمیر زون کی صدارت میں ایک میٹنگ منعقد ہوئی جس میں پولیس کے بڈگام سمیت تمام اضلاع کے ایس ایس پیز اور فوجی افسران نے شرکت کی ہے۔کشمیر نیوز سروس ( کے این ایس ) کے مطابق فوج کے وکٹر فورس ہیڈکواٹر اونتی پورہ میں منگل کوایک اعلیٰ سطحی میٹنگ آئی جی پی کشمیر اورجنرل آفیسر کمانڈر وکٹر فورس کی صدارت میں منعقد ۔ دفاعی ترجمان ایکس پر ایک بیان میں میٹنگ کی تصدیق کرتے ہوئے بتایا کہ میٹنگ وکٹر فورس کے جنرل آفیسر کمانڈنگ میجر جنرل بلبیر سنگھ اور آئی جی پی کشمیر زون وی کے برودی کی صدارت میں منعقد ہوءجبکہ میٹنگ میں ڈی آئی جی جنوبی کشمیر رئیس محمد بٹ کے علاوہ جنوبی کشمیر کے تمام ایس ایس پیز اور فوج کے اعلیٰ افسران شامل تھے۔ انہوں نے کہا کہ میٹنگ کے دوران جنوبی کشمیر میں مجموعی سیکورٹی صورتحال کا جائزہ لیا جبکہ تمام ایس ایس پیز نے آئی جی پی کشمیر اور جی او سی وکٹر فورس کو سیکورٹی صورتحال اور امن و امان کے بارے میں جانکاری دی۔ معلوم ہوا ہے کہ میٹنگ میں زور دیا گیا کہ تما م علاقوں میں امن و امان کی بحالی کو یقینی بنانے کی ہر ممکن کوشش کی جائے جبکہ ساتھ ہی آفیسران پر زور دیا گیا کہ وہ ایسے شر پسند عناصر پر کڑی نگا ہ رکھیں جو امن میں خلل ڈالنے میں ملوث ہوں اور ان کے خلاف سختی سے نمٹا جائے۔ خیال رہے آج صبح فوج نے ترال علاقے میں تین مشتبہ افراد کو اسلحہ و گولہ بارود سمیت گرفتار کرنے کا دعوی کیا ہے
