اونتی پورہ: الیکٹریکل اور مکینیکل انجینئرنگ کے پاس آؤٹ اور آئی ٹی آئی طلباء کے لیے جندل سٹیل ورکس (JSW) کی طرف سے آج اونتی پورہ میں ایک پلیسمنٹ ڈرائیو کا اہتمام کیا گیا، جس دوران طلباء کی ایک بڑی تعداد نے شرکت کی۔ اس دوران قابلیت اور مہارت کی بنا پر کئی طلباء کا جندل سٹیل ورکس کی سٹیل کوٹنگ کے لئے انتخاب کیا گیا۔ ایک عہدیدار کے مطابق منتخب طلبا کو ٹرینگ کورس کے لئے پنجاب لیا جائے، جہاں سے مہارت حاصل کرنے کے بعد ان کو لاسی پورہ پلوامہ کے یونٹ میں کام کرنے کا موقع فراہم ہوگا۔ انہوں نے کہا کہ ایسا پروگرام آج دوسری بار منعقد ہوا، جس کے پہلے مرحلے میں 300 طلبا نے شرکت کی، جن میں سے 36 کو شارٹ لسٹ کیا گیا تھا۔ عہدیدار کا مزید کہنا تھا کہ فائنل راونڈ میں 15 سے 20 افراد کو منتخب کیا جا رہا ہے، جن کو ایک خصوصی ٹریننگ کے بعد پلوامہ کے جے ایس ڈبلیو (JSW) یونٹ میں کام کرنے کا موقع فراہم کیا جائے گا۔ ادھر طلبا نے بھی ایسے پروگراموں کو منعقد کرنے پر خوشی کا اظہار کیا ہے، اور کہا کہ ایسے پروگراموں سے انہیں روزگار کے مواقع ملتے ہیں۔
