پونچھ / 07جنوری2024ئ ایڈیشنل ضلع ترقیاتی کمشنر سندیش کمار شرما نے آج یہاں ڈاک بنگلو پونچھ کے ایک کانفرنس ہال میں یوم جمہوریہ 2024 کی تقریبات کے اِنتظامات کا جائزہ لینے کے لئے ایک میٹنگ کی صدارت کی۔میٹنگ میں اے ڈی ڈی سی نے مختلف محکموں کی جانب سے جاری تیاریوں کا جائزہ لیا۔اُنہوں نے بیٹھنے کی جگہ، بیریکیڈنگ، پینے کے پانی اور بجلی کی فراہمی، صفائی ستھرائی، فرسٹ ایڈ، فالٹ فری پی اے ایس، فائر ٹینڈرز، میڈیا گیلری سمیت دیگر اِنتظامات کا بھی جائزہ لیا۔اے ڈی ڈی سی نے متعلقہ ایگزیکٹیوانجینئروں کو ہدایت دی کہ وہ تقریب کے دن بجلی کی فراہمی کے علاوہ بیریکیڈنگ، بیٹھنے اور پینے کے پانی کی فراہمی کے مناسب اِنتظامات کو یقینی بنائیں۔ اُنہوں نے متعلقہ اَفسران کو تقریب کے مقام پر ایمبولینس اور مناسب اَفرادی قوت کی فراہمی کو یقینی بنانے کی ہدایت بھی دی۔ اُنہوں نے متعلقہ کمیٹی کو ثقافتی پروگراموں کے موضوعات کو جلد جلد حتمی شکل دینے کی بھی ہدایت دی۔اے ڈی ڈی سی نے محکمہ کے سربراہان پر زور دیا کہ وہ قومی تقریب کی پُر وقار اور شاندار تقریبات کے لئے تمام ضروری اِنتظامات بروقت مکمل کریں۔
میٹنگ میں سی اِی او ٹورازم ڈاکٹر محمد تنویر خان، پی او آئی سی ڈی ایس ، اے ڈی ایف سی ایس اینڈ سی اے محکمہ پونچھ ، ڈسٹرکٹ اِنفارمیشن آفیسر پونچھ وِشال دیپ چندن ، ڈی وائی ایس او اور متعلقہ ضلعی اَفسران نے شرکت کی۔
