بارہمولہ/ 28جنوری2024ئ ضلع ترقیاتی کمشنر بارہمولہ منگا شیرپانے ایڈیشنل ڈپٹی کمشنر سوپور شبیر احمد رینہ کے ہمراہ آج سوپور کا دورہ کیا اور عوامی ترقیاتی مسائل کا جائزہ لیا۔ضلع ترقیاتی کمشنر دورے کے دوران فروٹ منڈی سوپور گئے جہاں منڈی کے صدر نے انہیں واٹر سپلائی سکیم کی تکمیل میں حائل رُکاوٹو ں، فروٹ منڈی کے احاطے میں اندرونی گلیوں اور ٹرک یارڈ کی میکڈیمائزیشن کے بارے میں جانکاری دی ۔مِنگاشیرپا نے وفد کے ساتھ بات چیت کرتے ہوئے انہیں یقین دلایا کہ یہ مسئلہ متعلقہ حکام کے سامنے اُٹھایا جائے گا اور اسے مقررہ مدت میں حل کیا جائے گا۔
