سرینگر:7؍ فروری
لیفٹیننٹ گورنر منوج سنہا نے آج سرینگر میں دو شہریوں پر ہوئے دہشت گردانہ حملے کی سخت مذمت کی ہے۔انہوں نے حملے میں مارے گئے شہری کے اہل خانہ سے دلی تعزیت کا اظہار کیا اور زخمی کی جلد صحت یابی کے لیے دعا کی۔ ایک ٹویٹ میںایل جی نے دہشتگردوں اس کارروائی کو بزدلانہ فعل قرار دیتے ہوئے کہا کہ امرتسر کے امرت پال اور روہت پرہوئے اس حملے سے مجھے شدید صدمہ پہنچا ہے۔ انہوں نے کہا کہ میں اس سفاکانہ فعل کی سخت الفاظ میں مذمت کرتا ہوں جس میں ایک بے گناہ کی جان چلی گئی ہے۔ انہوں نے کہا کہ دکھ کی اس گھڑی میں میں سوگوار خاندان کے ساتھ دلی تعزیت کا اظہار کرتا ہوں اورزخمی روہت کی جلد صحت یابی کے لئے دعا گو ہوں۔ انہوں نے کہا کہ ڈاکٹروں کی ایک ٹیم ان کی دیکھ بھال کرہی ہے۔ منوج سنہا نے یقین دلایا کہ مجرموں کوکیفر کردار تک پہنچان میں کوئی کسر نہیں چھوڑی جائے گی۔ انہوں نے سول اور پولیس انتظامیہ کو ہدایت دی کہ وہ متاثرہ خاندانوں کی ہر ممکن مدد کو یقینی بنائیں۔واضح رہے جموں وکشمیر کی گرمائی راجدھانی سری نگر کے قرفلی محلہ شالہ کدل علاقے میں دہشتگردوں نے دو غیر مقامی شہریوں پر اندھا دھند فائرنگ کی جس کے نتیجے میں ایک برسر موقع ہی از جان ہوا جبکہ دوسرے کو تشویشناک حالت میں ہسپتال منتقل کیا گیا۔ سیکورٹی فورسز نے ایک وسیع علاقے کو محاصرے میں لے کر حملہ آوروں کی بڑے پیمانے پر تلاش شروع کی ہے