ترال//جنوبی کشمیر کے سب ضلع ترال میں گزشتہ کئی روز بجلی سپلائی عوام کو شیدول کے مطابق فراہم نہیں کی جا رہی ہے جس کی وجہ سے عوام کو طرح طرح کی پریشانیوں کا سامنا کرنا پڑ رہا ہے اگر فوری طور پر سپلائی میں بہتری نہیں لائی گئی تو ہم سڑکوں پر نکل کر پر امن احتجاج کرنے پر مجبور ہوں گے ۔ان باتوں کا اظہار پی ڈی پی لیڈر فاروق احمد ریشی نے جمعہ رات کو پریس کے نام ایک بیان میں کیا ہے۔انہوں نے بتایا گزشتہ کئی روز سے یہاں ترال قصبے اور دیہات میں محکمہ بجلی اپنے ہی شیڈول عمل نہیں کررہا ہے ۔انہوں نے بتایا حال ہی میں بجلی فیس میں اضافہ ہوا ہے لیکن سپلائی میں ترال کے اندر کمی لائی گئی ہے جبکہ سپلائی میں اضافہ ہوناانہوں نے اس حوالے سے سب ضلع انتظامیہ ترال اور محکمہ بجلی کے افسران سے اس بارے میں فوری اقدامات اٹھانے اور عوام کو کم سے کم شیڈول کے مطابق بجلی فراہم کرنے کی اپیل کی ہے ۔