پلوامہ/ 14فروری2024ئضلع ترقیاتی کمشنر پلوامہ ڈاکٹر بشارت قیوم نے ضلع کے ’جامع زرعی ترقیاتی پروگرام ‘کو آگے بڑھانے کے لئے ایک اہم میٹنگ طلب کی جس کے نتیجے میں دیرپا زرعی طریقوںاور دیہی معیشت کو فروغ دینے کے مقصد سے 170 اہم معاملات کی منظوری دی گئی۔ضلع ترقیاتی کمشنر ڈاکٹر بشارت قیوم کی سربراہی میں منعقد ہ میٹنگ میں محکمہ زراعت کے نمائندگان، مقامی کاشتکاروں اوراِس شعبے کے ماہرین سمیت اہم شراکت داروں نے شرکت کی ۔میٹنگ میں زرعی اختراع کو فروغ دینے او رکاشت کاروںکو جدید زراعت کے اُبھرتے ہوئے منظر نامے میں ترقی کرنے کے لئے ضروری وسائل کے ساتھ بااِختیار بنانے کے لئے ضلعی عزم کو اُجاگر کیا۔
