سیکرٹری صحت نے پلس پولیو امیونائزیشن 2024 پر ایس ٹی ایف میٹنگ کی صدارت کی
”5 سال سے کم عمر کے ہر بچے کو پولیو ویکسین ضرور پلائیں “
عوام الناس سے مہم میں بھر پور شرکت کی اپیل
سرینگر 16 فروری 2024 ئ
صحت اور طبی تعلیم کے سیکرٹری ڈاکٹر سید عابد رشید شاہ نے آج اس بات پر زور دیا کہ 3 مارچ کو قومی حفاظتی ٹیکوں ( پلس پولیو ) کے موقع پر 5 سال سے کم عمر کے ہر بچے کو اورل پولیو ویکسین ( او پی وی ) ضرور پلائی جائے ۔
انہوں نے کہا کہ ہندوستان نے 2011 سے پولیو فری حیثیت برقرار رکھی ہے اور اس بات کو یقینی بنانے کیلئے کہ ملک پولیو سے پاک رہے ، تمام اسٹیک ہولڈرز کو اپنی کوششیں دوگنی کرنی چاہئیں ۔ انہوں نے عام لوگوں سمیت تمام اسٹیک ہولڈرز سے ملک اور جموں و کشمیر کی پولیو فری حیثیت کو برقرار رکھنے کو یقینی بنانے کیلئے قومی حفاظتی ٹیکوں کے دن ( این آئی ڈی ) میں دل و جان سے شرکت کرنے کی اپیل کی ۔
