کولگام//وادی کشمیر کے باقی علاقوں کے ساتھ ساتھ جنوبی کشمیر کے ضلع کولگام اور دیوسر علاقوں میں اچھی خاصی برف باری ہوئی ہے تاہم علاقے میں انتظامیہ اور میونسپل کمیٹی کا عملہ زبردست متحرک ہے ۔نمائندے کے مطابق علاقے میں میونسپل کونسل کوگام اور میونسپل کمیٹی دیوسر کے صفائی کرمچاریوں نے عوام کو بنا کسی پریشانی کے عبور و مرورکو یقینی بنانے کے لئے ہنگامی اقدامات اٹھائے ہیں۔اور علاقے کے اہم رابط سڑکوں اور اندرونی لنک روڈس کو قابل آمد رفت بنانے کے لئے سڑکوں سے برف ہٹائی گئی ہے ۔دونوں اداروں کے اگزیکٹو افسر جی ایم دار نے سرینگر میل کو رات دیر گئے فون پر بتایا کہ علاقے کے اہم رابط سڑکو ں سے برف ہٹائی گئی اور ان سڑکوں کو قابل آمد رفت بنا لیا گیا ہے انہوں نے بتایا کہ میں گزشتہ تین روز علاقے میں دن رات قیام پزیر ہوں تاکہ دونوں علاقوں کے لوگوں کو برف باری یا بارشوں کے دوران کسی پریشانی کا سامنا نہ کرنا پڑے ۔قابل ذکر بات یہ ہے کہ جی ایم ڈار اسے قبل ترال میںتھے جہاں انہیںلوگ آج بھی بہتر کام کاج کے لئے لوگ یاد کرتے ہیں ۔
