سید اعجاز
ترال//جنوبی کشمیر کے سب ضلع ترال میں منگل کی صبح میدانی و بالائی علاقوں میں شدید برف باری ہوئی ہے جس کے نتیجے میں رابط سڑکیں بند ہوئی یا ان سڑکوں پر چلنا محال بن گیا تھا۔اس دوران ترال قصبے سے نو کلو میٹر دور گوجر بستی برن پتھری میں سینہ گوجر کے بیٹے مختاراحمد کی شادی تھی برن پتھری ایک پہاڑی علاقہ ہے جہاں پہلے ہی برف زمین پر جمع ہوئی تھی جس کے نتیجے میں یہاں گاڑی کا چلنا نا ممکن بن گیا ہے ۔مختار کے ایک رشتہ دار نے بتایا ہم یہاں برف باری کے پیش نظر پہلے ہی گھر سے نکلنا چاہتے تھے لیکن برف باری نے شدت اختیار کی ہے جس کی وجہ سے ہم کچھ نہیں کر سکے ۔انہوں نے بتایا اس دوران ہم نے کچھ محکموں سے گزارش کی ہے کہ علاقے میں سڑک کو قابل آمد رفت بنایا جائے تاہم انہیں بتایا گیا ہے ابھی کم برف برف باری ہے اور مشین پہلے دو اہم سڑکوں پربرف بٹا رہے ہیں اس دوران دلہے کو گزشتہ سال سی آر پی ایف کے ایک افسر نے بتایا تھا کہ کبھی بھی مدد کی ضرورت پڑے تو ہمیں یاد کروں دلہے مختار احمد نے بتایا میں نے سوچا میرے زندگی میں اسے بڑ کر اور کوئی مدد ضرورت نہیں ہوگی تو انہوں نے ترال قائم سی آر پی ایف180بٹالین کے ایک افسر رام کمار ڈی ایس پی کے ساتھ رابط قائم کیا جو دو بکتر بند گاڑیاں لیکر گاﺅں میں برف باری کے دوران ہی پہنچے اور دلہے کو تحصیل آری پل کے دور افتادہ گاﺅں گترو ان کے سسرال پہنچایا جہاں لڑکی والے دلہے کا انتظار کرتے تھے ۔سی آر پی ایف کے اس اقدام کو مقامی لوگوں خاص کر دلہے کے گھر والوں اور نے زبردست سراہا کی ہے ۔دلہے کے ایک رشتہ دار نے بتایا کہ لڑکی والے وہاں انتظارکرتے تھے اس کی ہمیں پریشانی تھی کیوں کہ وہاں
کسی بھی حالت میں پہنچنا ہمارے لئے آج ہی ضروری تھا ۔سی آر پی ایف کے ڈی ایس پی نے بتایا ہمیں جب کال موصول ہوئی تو میں نے اپنے اعلیٰ افسران کے ساتھ رابط قائم کیا جنہوں نے ہمیں اجازت دی تو ہمیںخوشی ہے کہ ہم کنبے کو اس مشکل میں کام آئے انہوں نے کہا لوگ کسی بھی ضرورت کے وقت ہمیں یاد کر سکتے ہیں ۔
