سرینگر:23؍مارچ
کشمیر کا ٹیولپ گارڈن، جو ایشیا کے سب سے بڑے باغات میں سے ایک ہے، کو ہفتے کے روز سرکاری طور پر عوام کے لئے کھول دیا گیا۔جے کے این ایس کے مطابق حکام نے بتایاکہ اس سال باغ گل لالہ مختلف اقسام کے 17 لاکھ پھولوں سے کھلے گا جس میں اس سال5 نئی پھولوں کی اقسام ہیں۔فلوریکلچر ڈیپارٹمنٹ کے ایک افسر نے بتایا کہ اس سال انہوں نے پھولوں کی 5 نئی اقسام شامل کیں اور دیکھنے والے باغ میں 17لاکھ رنگ برنگے پھول دیکھیں گے۔انہوں نے کہاکہ وہ لمحہ آ گیا ہے جب ٹیولپ گارڈن کو عوام کےلئے کھول دیا گیا ہے۔ قومی اور بین الاقوامی سیاح ٹیولپس کی خوبصورتی کو پسند کرنے کے لیے باغ گل لالہ کا دورہ کر رہے ہیں۔جیسے ہی مقامی لوگوں اور سیاحوں نے افتتاحی دن اس مشہور باغ گل لالہ کی جھلک دیکھنے کے لئے جوش مارا، حکام نے کہا کہ آنے والے دنوں میں یہ باغ مکمل طور پر کھل اُٹھے گا۔زبروان پہاڑی سلسلے کے دامن اور شاندار ڈل جھیل کے کناروں پر واقع یہ دلکش باغ ، سرخ، پیلے اور گلابی رنگ کے جلد کھلنے والے اور دیر سے کھلنے والے ٹیولپ بلب کی متعدد اقسام ہیں۔