جموں:۱۹؍اگست
جموں کشمیر اسمبلی انتخابات کیلئے امیدواروں کے ناموں کا اعلان جلد ہی کیا جائے گا کا اعلان کرتے ہوئے مرکزی وزیر و بی جے پی الیکشن انچارج جموں کشمیر جی کیشن ریڈی نے کہا کہ ہماری پارٹی اتحاد کے ساتھ کام کرتی ہے۔ ہمیں جموں و کشمیر کو دہشت گردی، اقربا پروری اور بدعنوانی سے بچانا ہے۔ ترقی مخالف قوتوں کو دوبارہ اقتدار میں نہیں آنا چاہیے۔ انہوں نے کہا کہ دفعہ 370 کے خاتمے کے بعد جموں و کشمیر میں بھائی چارہ اور امن قائم ہے ۔ سی این آئی کے مطابق جموں میں پارٹی کنونشن میں شرکت کے بعد میڈیا سے بات کرتے ہوئے مرکزی وزیر جی کیشن ریڈی نے کہا کہ بی جے پی پارٹی کے قومی صدر اور مرکزی وزیر جے پی نڈا کی قیادت میں جلد ہی پارٹی جموں کشمیر میں اسمبلی انتخابات کیلئے امید واروں کا اعلان کریگی
