سری نگر:۸۲، اگست:جے کے این ایس : ڈویڑنل کمشنرکشمیر وجے کمار بیدھوری نے پارلیمانی انتخابات کی طرح اسمبلی الیکشن میں بھاری ووٹرٹرن آوٹ کی اُمیدظاہرکرےءہوئے بدھ کو کہا کہ آئندہ اسمبلی انتخابات کے سلسلے میں انتظامیہ نے تمام انتظامات مکمل ہیں۔جے کے این ایس کے مطابق سری نگرمیں نامہ نگاروں کے ایک منتخب گروپ سے بات کرتے ہوئے، ڈویڑنل کمشنرکشمیر نے کہا کہ ووٹنگ کے ایک ہموار اور موثر عمل کو یقینی بنانے کے لئے ہر منٹ کی تفصیل سے منصوبہ بندی کی گئی ہے۔سینئر بیوروکریٹ وجے کمار بدھوری نے مزید کہا کہ پولنگ اسٹیشنوں کو ہر تفصیل پر پوری توجہ بشمول عملہ، سیکورٹی، معذور افراد کی رسائی اور ووٹنگ کے عمل سے متعلق دیگر تمام ضروریات کےساتھ تیار کیا جاتا ہے ۔صوبائی کمشنربیدھوری نے کہا کہ پارلیمانی الیکشن کے مقابلے میں اسمبلی انتخابات زیادہ پُرجوش ہونگے اور اسی وجہ سے ہم زیادہ ووٹروں کی تعداد کی توقع کر رہے ہیں۔ووٹرز سے اپیل کرتے ہوئے،ڈویڑنل کمشنرکشمیرنے کہا کہ لوگ اپنے ووٹ کا استعمال کریں یہاں تک کہ انہیں ووٹر لسٹ سے گزرنا چاہیے، تاکہ گیارہویں گھنٹے میں کسی قسم کی رکاوٹ سے بچا جا سکے۔جموں وکشمیر میں اسمبلی انتخابات2024کاانعقاد تین مراحل میں ہوگا ،جسکے تحت 18ستمبر،25ستمبراور یکم اکتوبر2024کو ووٹ ڈالے جائیں گے۔قابل ذکر بات یہ ہے کہ جموں و کشمیر میں پارلیمانی انتخابات میں ووٹروں کا اچھا ٹرن آو ¿ٹ دیکھنے میں آیا، اور اس بار بھی امید ہے کہ لوگ بڑی تعداد میں ووٹ ڈالیں گے۔
