پونچھ/21ستمبر2024ئضلع چناﺅ آفیسر وِکاس کنڈل نے آج سرنکوٹ، مینڈھر اور حویلی حلقوں میں گلابی رنگ کے پولنگ سٹیشنوں کا معائینہ کیا۔اُنہوں نےڈسٹرکٹ نوڈل آفیسر پنک پولنگ سٹیشن قرة العین کے ہمراہ حویلی میں ہائیر سیکنڈری سکول گرلز سرنکوٹ، ہائیر سیکنڈری سکول بوائز مینڈھر اور بال آشرم کا دورہ کیا۔ضلع چناﺅ آفیسر ( ڈِی اِی او)نے خواتین کے زیر انتظام گلابی پولنگ سٹیشنوں کا بھی معائینہ کیا۔ ان مقامات کا انتظام مکمل طور پر خواتین عملے کے ذریعے کیا جائے گا جو بنیادی طور پر خواتین رائے دہندگان کی خدمت کریں گی۔ الیکشن کمیشن آف انڈیا کی اس پہل کا مقصد اِنتخابی عمل میں خواتین کو بااختیار بنانا اور ایک آرام دہ اور جامع ووٹنگ ماحول فراہم کرنا ہے۔دورے کے دوران اُنہوں نے تمام خواتین ٹیموں سے بات چیت کی اور اس بات پر زور دیا کہ 25 ستمبر 2024ءکو اِنتخابات کے دِن عملے کو گلابی لباس پہننے والی خواتین کا ہونا ضروری ہے۔ اُنہوں نے کہا کہ گلابی لباس کا ضابطہ خواتین رائے دہندگان کے لئے خوش آئند ماحول پیدا کرے گا۔اُنہوں نے کہا کہ یہ گلابی پولنگ سٹیشن صنفی مساوات کے تئیں ہمارے عزم کی نمائندگی کرتے ہیں۔
