سرینگر//جموں و کشمیر بی جے پی کے سربراہ رویندر رینا نے پیر کو زور دے کر کہا کہ ان کی پارٹی 35 سیٹیں حاصل کرکے خطے کی واحد سب سے بڑی پارٹی بن کر ابھرے گی اور ہم خیال اور آزاد امیدواروں کی مدد سے حکومت بنائے گی۔کشمیر نیوز سروس ( کے این ایس ) کے مطابق انہوں نے یہ کہا کہ لیفٹیننٹ گورنر کے ذریعہ پانچ ایم ایل ایز کی نامزدگی تنظیم نو کے قانون کے مطابق کی جارہی ہے رانا نے یہاں نامہ نگاروں کو بتایا، "ہمیں جموں و کشمیر میں 35 سیٹیں جیتنے کا یقین ہے، اور آزاد اور ہم خیال گروپوں کی حمایت سے، جو تقریباً 15 سیٹیں حاصل کریں گے، ہم حکومت بنانے کے لیے 50 کی اکثریت کا ہندسہ عبور کر لیں گے۔”عوام نے ہمیں ووٹ دیا ہے، ترقی اور امن کے لیے ہمارے وڑن کی توثیق کی ہے ۔انہوں نے کہا کہ بی جے پی غیر معمولی طور پر اچھی کارکردگی کا مظاہرہ کرنے کے لیے تیار ہے اور "ہماری پارٹی کے لیے زبردست عوامی حمایت، جس کا مظاہرہ وزیر اعظم نریندر مودی اور وزیر داخلہ امیت شاہ کی ریلیوں میں بڑے ہجوم کے ذریعے کیا گیا، واضح طور پر اس بات کی نشاندہی کرتا ہے کہ لوگوں نے بی جے پی کو ووٹ دیا ہے”۔انہوں نے کہا کہ کانگریس کو ان انتخابات میں "کرشنگ شکست” کا سامنا کرنا پڑے گا، جس سے بی جے پی واحد سب سے بڑی پارٹی بن جائے گی۔پارٹی کے اتحاد کے معاملے پر، انہوں نے کہا، "بی جے پی نے 15 آزاد اور ہم خیال امیدواروں کی حمایت کی ہے، لیکن انجینئر رشید کی پارٹی سے ہمارا کوئی تعلق نہیں ہے۔ وہ (آزاد اور ہم خیال گروپ) فتح حاصل کریں گے۔ ہم جموں و کشمیر میں سب سے زیادہ ووٹ دینے والی پارٹی ہوں گے۔ووٹوں کی گنتی سے پہلے، بی جے پی اپنے ہیڈکوارٹر میں ایک اہم میٹنگ کر رہی ہے، جس میں سینئر لیڈر ترون چ±گ اور رام مادھو شریک ہیں۔جموں و کشمیر اسمبلی کے لیے پانچ ایم ایل ایز کی نامزدگی پر، انہوں نے کہا، ”پارلیمنٹ سے تنظیم نو کا ایکٹ پہلے ہی منظور ہو چکا ہے۔ یہ عمل اسی کے مطابق آگے بڑھے گا… یہ ایل جی آئینی عمل کے حصے کے طور پر انجام دے گا۔یہ پوچھے جانے پر کہ کیا نامزدگی کا عمل اگلی حکومت پر فیصلہ کرنے کے لیے چھوڑ دینا چاہیے تھا، انہوں نے کہا کہ "جو کچھ بھی ایل جی کر رہا ہے وہ قانون کے مطابق ہے۔ یہ تنظیم نو کے قانون کے مطابق کیا گیا ہے۔”
