سڑکوں کے اہم پروجیکٹوں کو مقررہ وقت میں مکمل کیا جائے ۔ نائب وزیر اعلیٰ

سرینگر 23 اکتوبر 2024 ئ نائب وزیر اعلیٰ مسٹر سریندر کمار سنگھ چودھری نے آج افسران کو ہدایت دی کہ وہ ضرورت پر مبنی علاقے کی ترقی اور کسی بھی قسم کی بدعنوانی کیلئے زیرو ٹالرنس کویقینی بنائیں ۔ نائب وزیر اعلیٰ آج یہاں سول سیکرٹریٹ میں منعقدہ آر اینڈ بی کی جائیزہ میٹنگ سے خطاب کر رہے تھے ۔ سیکرٹری آر اینڈ بی بھوپندر کمار ، ڈائریکٹر فائنانس ، ڈائریکٹر پلاننگ ، مختلف انجینئرنگ ونگز کے چیف انجینئرز ، ریجنل آفیسر ، این ایچ اے آئی ، سی ای پروجیکٹ بیکن ، ایگزیکٹو ڈائریکٹر این ایچ آئی ڈی سی ایل اور دیگر متعلقہ افسران نے بھی میٹنگ میں شرکت کی ۔ مختلف پروجیکٹوں کا سیکٹر وار جائیزہ لیتے ہوئے نائب وزیر اعلیٰ نے ضرورت پر مبنی اور علاقے کی مخصوص ترقی پر زور دیا تا کہ جموں اور کشمیر کے رابطے بڑھانے کیلئے لاگو کی جا رہی اسکیموں کے اصل مقصد کو یقینی بنایا جا سکے ۔ انہوں نے کہا کہ زمینی سطح پر لوگوں کو تاثرات کو بھی مدِ نظر رکھا جائے اور حکومت کے اقدامات کو جامع بنایا جائے ۔ نائب وزیر اعلیٰ نے کہا کہ کام کے معیار میں کسی قسم کا کوئی سمجھوتہ برداشت نہیں کیا جائے گا ۔ انہوں نے کہا کہ ایگزیکیٹونگ افسران اس بات کو یقینی بنائیں کہ کام طے شدہ اصولوں کے مطابق ہو اور اصولوں کی خلاف ورزی کرنے والوں اور کسی بھی قسم کا غیر معیاری مواد استعمال کرنے والوں کے خلاف سخت کارروائی کی جائے گی ۔
مختلف اسکیموں کے وقت کے پابند نفاذ کو یقینی بنانے پر زور دیتے ہوئے نائب وزیر اعلیٰ نے کہا کہ ہمیں یہ یقینی بنانا ہو گا کہ یہ مقررہ مدت کے اندر مکمل ہوں ۔ انہوں نے کہا کہ ہمیں اس بات کو یقینی بنانا ہے کہ کام کی تکمیل میں تاخیر کی وجہ سے لاگت میں کوئی اضافہ نہ ہو ۔
این ایچ آئی اے ، این ایچ آئی ڈی سی ایل اور بی آر او کے ذریعے شروع کئے جانے والے آر اینڈ بی سیکٹر کے فلیگ شپ پروگراموں پر عمل درآمد کی رفتار کا جائیزہ لیتے ہوئے نائب وزیر اعلیٰ نے مختلف شعبوں کیلئے مختص فنڈز کے مکمل استعمال کے علاوہ پروجیکٹوں کی مقررہ مدت میں تکمیل کو یقینی بنانے کیلئے متعلقہ اداروں کو ہدایت دی ۔
انہوں نے کہا کہ جموں اور کشمیر کی ہمہ گیر ترقی کو یقینی بنانے کے ساتھ ساتھ بہتر سڑک رابطے عام لوگوں کو ان کے بہتر معاشی امکانات ، روز گار اور آسان سفر کیلئے اہم ہیں ۔
جن پروجیکٹوں کا جائیزہ لیا گیا ان میں سیمی رنگ روڈ جموں، سرینگر ، رام بن ، بانہال ، دہلی ۔ کٹڑہ ایکسپریس وے ، جموں ۔ اکھنور روڈ ، چھاترو ۔ وائیلو ، کھلینی ۔ چھاترو ، اکھنور ۔ پونچھ روڈ ، سرینگر ۔ اوڑی روڈ ، بارہمولہ ، ٹنگڈار روڈ ، قاضی گنڈ بانہال ، قاضی گنڈ ۔ سرینگر ، دومیل ۔ کٹڑہ ۔ ریاسی ۔ پونی روڈ اور دیگر سڑک پروجیکٹ شامل ہیں ۔
نائب وزیر اعلیٰ نے مغل روڈ ، نیشنل ہائی وے جیسے مختلف اہم سڑکوں کی بہتر دیکھ ریکھ کو یقینی بنانے کی بھی ہدایت دی تا کہ عوام کی سہولت کیلئے ٹریفک کی روانی کو ہموار رکھا جائے ۔