سید اعجاز
ترال//شاہ پورہ چھانکتار ترال اورگوجر بستی برن تھری ترال کی دو ایسی بستیاں ہیں جہاں تا حال کوئی بھی مواصلاتی کمپنی ٹاور نصب کرنے میں ناکام رہے جس کی وجہ سے یہاں کے لوگوں کو طرح طرح کی پریشانیوں کا سامنا کرنا پڑ رہا ہے۔شاہ پورہ چھانکتار کے لوگوں نے بتایا ہم ترال قصبے سے صرف4کلو میٹر دور رہتے ہیں لیکن کسی بھی مواصلاتی کمپنی کا ٹاور یہاں نہ ہونے کی وجہ سے انہیں طرح طرح کی پریشانیوں کا سامنا کرنا پڑ رہا ہے ۔انہوںنے بتایا جب ہم شام کو گھر پہنچ جاتے ہیں تو ہمارے فون بلکل خاموش رہتے ہیں ۔اسی طرح گوجر بستی برن پتھری کے لوگوں نے بتایا ترال کے ہر علاقے میں کسی نہ کسی کمپنی نے ایک ایک ٹاور نصب کیا ہے لیکن برن پتھری واحد بستی ہے جہاں ٹارو نہیں ہے انہوں نے بتایا جب ہم شام کو گھر پہنچتے ہیں اس کے بعد صبح تک ہم باقی دنیاں سے کٹ کر رہ جاتے ہیں اور کسی چیز کے بارے میں کوئی خبر نہیں رہتی ہے۔دونوں علاقوں کے لوگوں نے اس بارے میں انتظامیہ سے مداخلت کی اپیل کی ہے ۔
