سرینگر میں ”سائیکلوتھن ۔ پیڈل فار پیس “ میں ایک ہزار سے زیادہ سائیکل سوار نے حصہ لیا

سرینگر 15 جون 2025 ئ
امن ، تندرستی اور یکجہتی کے جذبے کو پھیلانے والے ایک تاریخی عوامی پروگرام میں ”سائیکلوتھن ۔ پیڈل فار پیس “ آج سرینگر میں منعقد ہوا جس میں متنوع عمر کے گروپوںسے تعلق رکھنے والے ایک ہزار سے زیادہ سائیکل سواروں کو راغب کیا گیا ۔ اس پروگرام میں وزیر برائے ایف سی ایس اینڈ سی اے ، آئی ٹی ، یوتھ سروسز اینڈ سپورٹس مسٹر ستیش شرما نے پولیس گالف کورس کے سرسبز گرینوں سے جھنڈی دکھائی اور یہ آسٹرو ٹرف گراو¿نڈ ٹی آر سی میں اختتام پذیر ہوا ۔
جموں و کشمیر اسپورٹس کونسل کے زیر اہتمام یہ پروگرام فرقہ وارانہ ہم آہنگی ، نوجوانوں کی مشغولیت ، پورے خطے میں فٹنس کی ثقافت اور امن و ترقیاتی اقدام کے ایک فعال جزو کو فروغ دینے کیلئے حکومت کے مشن کا ایک متحرک حصہ تھا ۔
اجتماع سے خطاب کرتے ہوئے مسٹر ستیش شرما نے کہا کہ یہ سائیکلوتھن محض کھیلوں کا ایک پروگرام نہیں ہے یہ ایک پُر امن اور متحدہ جموں و کشمیر کی طرف ایک علامتی سفر ہے ۔ یہ ہمارے نوجوانوں کی لچک اور صلاحیت کی عکاسی کرتا ہے اس طرح کے پروگراموں کے ذریعے ہم ان کی توانائی کو تعمیری اور قوم کی تعمیر کی سرگرمیوں میں شامل کرنا چاہتے ہیں ۔
وزیر موصوف نے کہا کہ اس پروگرام نے ہمارے اس عقیدے کی تصدیق کی ہے کہ جموں و کشمیرت کے نوجوان مثبت مصروفیت کیلئے بے چین ہیں اور ایک پُر امن اور ترقی پسند سفر کا حصہ بننا چاہتے ہیں ۔
انہوں نے مزید اعلان کیا کہ اس طرح کے معاشرے پر مبنی اور نوجوانوں سے چلنے والے پروگراموں کو اب مستقل مصروفیت اور رسائی کو یقینی بنانے کیلئے یو ٹی کے مختلف حصوں میں ہفتہ وار منعقد کیا جائے گا ۔
اس پروگرام میں اہم عوامی نمائندوں اور انتظامی عہدیداروں کی موجودگی کا مشاہدہ کیا گیا جنہوں نے اس اقدام کی مکمل حمایت کی ۔
اس موقع پر قانون ساز فاروق شاہ ، ڈاکٹر شفیع تنویر صادق ، احسان پردیسی اور مشتاق گورو ، کمشنر سیکرٹری یوتھ سروسز اینڈ سپورٹس ، سیکرٹری جے اینڈ کے سپورٹس کونسل اور آر ٹی او کشمیر موجود تھے ۔ اسپورٹس کونسل ، ٹریفک پولیس ، صحت کی خدمات اور انتظامیہ کے سینئر عہدیداروں نے بھی شرکت کی ۔