سری نگر/12جولائی2025ئ چیف سیکرٹری اَتل ڈولو نے آج جموں و کشمیر کے تمام اَضلاع میں پسماندہ اور کمزور طبقوںکے لئے جاری مختلف فلاحی سکیموں کی عمل آوری کا جائزہ لینے کے لئے ایک اعلیٰ سطحی میٹنگ کی صدارت کی۔میٹنگ میں پرنسپل سیکرٹری سماجی بہبود محکمہ انیل کمار سنگھ، سیکرٹری سماجی بہبود،مشن ڈائریکٹرز آئی سی ڈی ایس ، آئی سی پی ایس ، مشن واتسالیہ ،چیئرپرسن جووینائل جسٹس بورڈ، سوشل ویلفیئر ڈائریکٹرز جموں و کشمیر، ضلعی سوشل ویلفیئر اَفسران (ڈِی ایس ڈبلیو او ز) اور دیگر اعلیٰ افسران نے شرکت کی۔ میٹنگ کے شروعات میں چیف سیکرٹری نے تمام آنگن واڑی مراکز کو بجلی، پینے کے پانی، بیت الخلا¿ اور دیگر بنیادی سہولیات سے آراستہ کرنے کی فوری ضرورت پر زور دیا۔ اُنہوں نے ہدایت دی کہ وہ مراکز جو سرکاری عمارتوں میں قائم ہیں انہیں ترجیح دی جائے اور جن مراکز کا قیام نجی عمارات میں ہے اور سہولیات کی کمی کا شکار ہیں ان کو دوسرے مقامات پر منتقل کیا جائے۔
