دار العلوم جامع الاخلاص ترال میں دستار بندی کی پر وقار تقریب

سید ارعجاز
ترال //منگل کے بروزدار العلوم جامعہ الاخلاص ترال میں دستار بندی کی ایک پر وقار تقریب منعقد ہوئی۔ اس تقریب میں9 ہونہار طلباء کی دستار بندی کی گئی جنہوں نے ادارہ ہذا میں تکمیل حفظ قرآن کی۔ معروف عالم دین حضرت مولانا ارشد حسین ندوی صاحب نے دستار بندی کی تقریب انجام دی۔حفاظ کرام کے نام اور تفصیلات: حافظ دلبر احمد ملک، ساکنہ زراری ہار، بارہویں جماعت کا طالب علم۔
حافظ فیضان احمد قریشی، ساکنہ ماچھامہ، بارہویں جماعت کا طالب علم۔ انہوں نے صرف 9 ماہ کی قلیل مدت میں حفظ قرآن کی تکمیل کی۔
حافظ محمد ارسلان بیگ، ساکنہ بوچھو، ITI ترال میں زیر تعلیم۔ حافظ نظیف رئیس، ساکنہ پوچھو، ITI ترال میں زیر تعلیم۔ حافظ تنویر قریشی، ساکنہ ماچھامہ، دسویں جماعت کا طالب علم۔ حافظ عبدالوحید گوجر، ساکنہ ناگہ بل، دسویں جماعت کا طالب علم۔ حافظ ارشاد فرید گورسی، ساکنہ ناگہ بل، دسویں جماعت کا طالب علم۔حافظ مصیب مشتاق، ساکنہ لدو پانپور، نویں جماعت کا طالب علم۔حافظ مزمل منظور، ساکنہ دڈو، ہاری، ساتویں جماعت کا طالب علم۔یہ تقریب اخلاص بلڈنگ کے صدیقی ہال میں بعد از نماز عصر شروع ہوئی اور شام سے پہلے اختتام کو پہنچی۔ مولانا ارشد ندوی صاحب نے حفاظ کرام کی حوصلہ افزائی کی اور ان کی دستار بندی کی۔ انہوں نے دار العلوم جامع? الاخلاص کے منتظمین اور اساتذہ کرام کی بھی تعریف کی۔
مولانا نے سامعین سے خطاب کرتے ہوئے کہا کہ ہمیں قرآن اور سنت رسول کی بنیاد پر زندگی گزارنی چاہیے۔ انہوں نے مزید کہا کہ قرآن ہمارا سچا رہنما ہے اور ہمیں رسول ? کی سنت کو اپنانا چاہیے۔ ان کے مطابق، صحابہ کرام کی زندگی ہمارے لئے ایک نمونہ ہے۔
پروگرام کا آغاز تلاوت کلام پاک سے ہوا جو توفیق عمر نے کی، اور رئیس الاسلام نے نعت مقبول رسول ? پیش کی۔ مولوی و قاری عامر قبول لون نے ڈائس انچارج کے فرائض انجام دیے۔ اس موقع پر ایک دعائیہ مجلس کا بھی اہتمام کیا گیا۔
ابھی تک جامع? الاخلاص ترال سے تقریباً 30 طلبائ نے حفظ قرآن مکمل کیا ہے۔