سری نگر/23 ستمبر 2025ئوزیربرائے صحت و طبی تعلیم، سماجی بہبود اور تعلیم سکینہ اِیتو نے آج جموں کے کنونشن سینٹر میں محکمہ آیوش جموں و کشمیر کی جانب سے منعقدہ دسویں قومی یوم آیورویدک کی تقریبات سے بذریعہ ورچیول موڈ خطاب کیا۔ اِس تقریب میںصوبائی کمشنر جموں رمیش کمار، سیکرٹری صحت و طبی تعلیم ڈاکٹر سیّد عابد رشید شاہ، ڈائریکٹر آیوش جموںوکشمیر ڈاکٹر سریش کمار شرما، ڈائریکٹر ہیلتھ سروسز جموں، ڈائریکٹر فیملی ویلفیئر، منیجنگ ڈائریکٹر جے کے ایم ایس سی ایل، آیوش کے سابق ڈائریکٹروں ، طبی ماہرین اور دیگر اَفسران نے ذاتی طور پر یا بذریعہ ویڈیو کانفرنسنگ شرکت کی۔
وزیر موصوفہ نے تقریب سے خطاب کرتے ہوئے آیوروید کی اہمیت کو اُجاگر کرتے ہوئے کہا کہ یہ دُنیا کے قدیم اور مو¿ثر ترین متبادل نظام صحت میں سے ایک ہے۔ اُنہوں نے کہا،”آیوروید ہندوستان کی ثقافتی حکمت کا مظہر ہے جو ایک ایسا طرزِ زِندگی اور صحت کا ماڈل پیش کرتا ہے جو قدرت سے گہرا تعلق رکھتا ہے۔ اِس برس کا موضوع ’ آیورویدبرائے لوگ اور سیارہ‘ ہمیں یاد دِلاتا ہے کہ اَفراد کی صحت اور ماحول کی صحت لازم و ملزوم ہیں۔ اِس علم کو محفوظ رکھنا اور ہر گھر تک پہنچانا ہماری ذِمہ داری ہے۔
