اننت ناگ/27 ستمبر 2025ئچیف سیکرٹری اَتل ڈولو نے آج اننت ناگ کا دورہ کیا اور ڈاک بنگلہ کھنہ بل میں متعلقہ اَفسران کے ساتھ ایک تفصیلی میٹنگ کی صدارت کی جس میں ضلع کے مجموعی ترقیاتی منظرنامے ،مختلف سرکاری سکیموں اور فلاحی اقدامات کی عمل آوری کا جائزہ لیا گیا۔ میٹنگ میں ضلع ترقیاتی کمشنر اننت ناگ ایس ایف حامد ، پرنسپل جی ایم سی اننت ناگ، اے ڈِی سیز، ڈِی پی او، جی ایم ، اے سی آر، اے سی ڈی، ایس ڈی ایمز اور دیگر سیکٹورل اور ضلعی اَفسران نے شرکت کی ۔ضلع ترقیاتی کمشنر نے میٹنگ کے شروعات میں ضلع کی مجموعی ترقیاتی منظر نامے اور فلاحی سکیموں کا خاکہ پیش کیا۔ اُنہوں نے ڈلیوری ایبلز اور اہم اقدامات جیسے مشن یووا، این ایم بی اے، ٹی بی مکّت بھارت ابھیان، ایچ اے ڈِی پی، پی ایم ایس جی ایم بی وائی اور جے کے سمادھان سمیت ضلع کے دیگر منصوبوں کی پیش رفت کے بارے میں آگاہ کیا۔ اُنہوں نے چیئر کو صحت ، تعلیم ، آر ڈِی ڈِی ، آر اینڈ بی ، پی ایچ اِی ، پاور اور دیگر اہم شعبوں میں جاری بنیادی ڈھانچے کے منصوبوں کی پیش رفت کے ساتھ ساتھ مختلف محکموں میں مستفید ہونے والوں کی سکیموں کی صورتحال کے بارے میں بتایا ۔چیف سیکرٹری نے میٹنگ سے خطاب کرتے ہوئے اَفسران کو ہدایت دی کہ مختلف مرکزی اور یو ٹی معاونت والی سکیموں بالخصوص صحت ، تعلیم ، سماجی بہبود ، باغبانی اور زرعی شعبوں میںمو¿ثر عمل آوری اور تکمیل کو یقینی بنایا جائے۔ اُنہوں نے کہا کہ اِن سکیموں کی مقررہ وقت میں تکمیل عوام تک بنیادی فوائد پہنچانے کے لئے نہایت ضروری ہے۔ اُنہوں نے نشاندہی کی کہ پی ایم سوریہ گھر مفت بجلی یوجنا، پی ایم وشوکرما، مشن یووا اور ایچ اے ڈی پی جیسی سکیمیںفائدہ مند ہیں اور متعلقہ محکموں کو چاہیے کہ ان کے فوائد شہریوں تک پہنچائیں۔اَتل ڈولو نے صحت اور تعلیمی شعبوں کا جائزہ لیتے ہوئے کہا کہ ڈھانچہ جاتی ترقی میں قابلِ تعریف پیش رفت ہوئی ہے تاہم مزید بہتری کے لئے تعلیم اور صحت کی معیاری خدمات کو اولین ترجیح دِی جانی چاہیے۔
