سری نگر، 11 اکتوبر (کے این ایس): وزیر تعلیم سکینہ اِیتو نے ہفتے کے روز اعلیٰ تعلیم کی توجہ کو محض ڈگری کے حصول سے ہٹا کر ہنر کی ترقی کی جانب مرکوز کرنے پر زور دیا۔ انہوں نے کہا کہ صرف تعلیمی اسناد نوجوانوں کو روزگار دلانے میں مددگار ثابت نہیں ہو سکتیں جب تک کہ وہ عملی مہارتوں سے آراستہ نہ ہوں۔کشمی انہوں نے کہا حکومت کالجوں کے بنیادی ڈھانچے کو مضبوط بنانے کے لیے عمارتوں، ڈیسک، لیپ ٹاپ، انٹرنیٹ کی سہولت اور اسمارٹ کلاس رومز کی فراہمی پر بھی کام کر رہی ہے۔ نیوز سروس ( کے این ایس ) کے مطابق جنوبی کشمیر میں ایک منصوبے کے دوبارہ افتتاح کے موقع پر نامہ نگاروں سے بات کرتے ہوئے سکینہ ایتو نے کہا کہ ہزاروں تعلیم یافتہ نوجوان اپنی ڈگریاں مکمل کرنے کے بعد بھی روزگار کے مواقع تلاش کرنے میں مشکلات کا سامنا کر رہے ہیں۔انہوں نے کہا کہ کچھ تعلیم یافتہ نوجوان ذہنی دباو¿ کا شکار ہیں، جبکہ حکومت انہیں خود کفیل بنانے میں مدد کے لیے ہنر پر مبنی کورسز متعارف کرانے پر کام کر رہی ہے۔انہوں نے کہا، "معاملہ صرف ڈگریاں حاصل کرنے کا نہیں ہے۔ ہمارے پاس لاکھوں نوجوان ایسے ہیں جو ڈگریاں تو حاصل کر لیتے ہیں لیکن پھر گھروں میں بیٹھ کر ذہنی دباو¿ کا شکار ہو جاتے ہیں۔” انہوں نے مزید کہا کہ حکومت ایسے نوجوانوں کی مدد کرنے کی کوشش کر رہی ہے تاکہ وہ ہنر سیکھ سکیں اور اپنے پیروں پر کھڑے ہو سکیں۔وزیر نے کہا کہ ماضی میں اعلیٰ تعلیم کے شعبے میں ڈگری کالجوں کی تعداد میں بے تحاشا اضافہ ہوا تھا، اور بہت سے اداروں میں مناسب اساتذہ، بنیادی ڈھانچے اور طلبہ کی دلچسپیوں اور ابھرتے ہوئے تقاضوں سے ہم آہنگ مضامین کا فقدان تھا۔انہوں نے نامہ نگاروں کو بتایا، "لیکن گزشتہ دو سالوں کے دوران، حکومت نے اساتذہ کی فراہمی اور طلب و ضرورت کے مطابق مضامین متعارف کروا کر ان خامیوں کو دور کرنے کے لیے سخت محنت کی ہے۔”تاہم، انہوں نے تسلیم کیا کہ اعلیٰ تعلیم کے شعبے میں کچھ خلا ابھی بھی پ±ر کیے جانے باقی ہیں۔سکینہ ایتو نے کہا کہ وزیر اعلیٰ عمر عبداللہ کی قیادت والی حکومت کالجوں کے بنیادی ڈھانچے کو مضبوط بنانے کے لیے عمارتوں، ڈیسک، لیپ ٹاپ، انٹرنیٹ کی سہولت اور اسمارٹ کلاس رومز کی فراہمی پر بھی کام کر رہی ہے۔انہوں نے مزید کہا، "نئے قائم ہونے والے کالجوں کے سلسلے میں ہمیں اراضی کے تنازعات اور دیگر مقامی مسائل کا سامنا کرنا پڑا جن کا اثر کچھ کالجوں پر بدستور رہا، لیکن جموں و کشمیر بھر میں ان کالجوں میں سہولیات کو بہتر بنانے کی کوششیں کی جا رہی ہیں۔”انہوں نے کہا کہ طلبہ کے داخلے (انرولمنٹ) میں بہتری آئی ہے اور اس سال کالجوں میں داخلوں میں 17 فیصد اضافہ ہوا ہے۔انہوں نے داخلوں میں اس اضافے کو نیشنل کانفرنس کی حکومت بننے کے بعد سے محکمہ اور اس کے افسران کی اجتماعی کوششوں کا نتیجہ قرار دیا۔ وزیر نے کہا کہ محکمہ ہائر ایجوکیشن (HED) نے کالجوں میں تعلیمی شعبوں کی دستیابی کا جائزہ لینے کا عمل شروع کر دیا ہے۔انہوں نے کہا، "ہم ایسے مضامین متعارف کرانے پر توجہ مرکوز کریں گے جنہیں طلبہ واقعی پڑھنا چاہتے ہیں، بجائے اس کے کہ ایسے کورسز جاری رکھے جائیں جن میں طلبہ کا داخلہ نہ ہونے کے برابر ہے۔”
