طاریق لون
کپوراہ: صحافی برادری کپوارہ نے جمعرات کو برادری کی قیادت سنبھالنے کے لیے عہدیداروں کے انتخاب کے لیے انتخابات منعقد کیے ہیں۔ انتخابی عمل آزادانہ اور منصفانہ انداز میں آزاد مبصرین کی موجودگی میں انجام دیا گیا۔ انتخابی عمل کے دوران تمام برادری کے اراکین کی فعال شرکت دیکھنے کو ملی، جس دوران سینئر صحافیوں، خاص کر یحییٰ سلطان، راحیٰ مشتاق، جہانگیر لولابی، ساحل شمیم، سہیل یوسف شاہ، پیرزادہ زبیر، ارشاد احمد وانی، شرافت منظور، زاہد جاوید، جنید ڈار، راجہ منظور، ارشاد احمد، طارق لون، ارشاد احمد خان اور دیگر کئی نے شرکت کی۔ اس موقعے پر صدر کے عہدے کے لیے یحییٰ سلطان (نیوز 18) مسلسل دوسری مدت کے لیے بلامقابلہ برادرانہ صدر منتخب ہو گئے، جبکہ نائب صدر کے عہدے کے لیے سہیل یوسف شاہ (ایڈیٹر گلوبل کشمیر نیوز پیپر) بھی بلا مقابلہ منتخب ہو گئے۔ دوسرے ممبران، جن میں ساحل شمیم (گلستان نیوز)، جہانگیر لولابی (جی این ایس/کشمیر گلوری)، راحیل مشتاق (ڈی ڈی نیوز)، ارشاد وانی (ٹی آر کے نیوز)، پیرزادہ زبیر (اے این آئی نیوز) اور زاہد جاوید کو بھی برادری میں کئی اور عہدوں کے لئے منتخب کیا گیا۔ ادھر نومنتخب ٹیم نے برادری کی بہتری کے لیے کام کرنے کا عہد کیا ہے۔ دریں اثناء متعدد سول باڈیز نے نومنتخب باڈی کو مبارکباد دی ہے اور امید ظاہر کی ہے کہ وہ عوام کے فائدے کے لیے کام کریں گے اور متعلقہ حکام کے ساتھ ان کے مسائل کو اجاگر کریں گے۔
