اودھمپور میں عید الاضحی کے سلسلے میں اِنتظامات کو حتمی شکل دی گئی

اودھمپور/11 جون2024ئضلع ترقیاتی کمشنر اودھمپور سلونی رائے نے آج یہاں منی کانفرنس ہال ڈی سی آفس کمپلیکس میں منعقدہ ایک میٹنگ میں عیدالاضحی کے لئے ضروری اِنتظامات کو حتمی شکل دی۔میٹنگ میں ایڈیشنل ڈپٹی کمشنر جوگندر سنگھ جسروٹیہ، اسسٹنٹ کمشنر ریونیو ڈاکٹر امیش شان، ایڈیشنل ایس پی بلجیت سنگھ اور دیگر ضلع افسران کے علاوہ سول سوسائٹی کے نمائندوں نے شرکت کی۔میٹنگ میں پینے کے پانی کی فراہمی ، بلا تعطل بجلی کی فراہمی، فرسٹ ایڈ، فائر ٹینڈرز، کھانے پینے کی اشیا¿ کے معیار اور ریٹ کی جانچ اور شہر میں صفائی ستھرائی پر تفصیلی تبادلہ خیال کیا گیا۔
ضلع ترقیاتی کمشنر اودھمپورنے متعلقہ محکموں کو ہدایت دی کہ وہ ضلع میں مناسب ضروری خدمات کی فراہمی اور صفائی ستھرائی کو برقرار رکھنے کے لئے پیشگی اقدامات کریں جبکہ پولیس حکام کو حفاظتی اِنتظامات یقینی بنانے کی ہدایت دی گئی ہے۔